સુરક્ષા / સિરક્રિકમાંથી 2 પાકિસ્તાની બોટ મળી, BSF દ્વારા ફરાર બોટ સવારની તપાસ હાથ ધરાઇ

• BSFને સિરક્રિકમાંથી 2 પાકિસ્તાની બોટ મળી
• બોટમાંથી પાકિસ્તાની સાધનો મળ્યાં છે
• ફરાર બોટ સવારને શોધવા BSFએ સર્ચ ઓપરેશન હાથ ધર્યું

કચ્છના સિરક્રિકમાંથી 2 બિનવારસી પાકિસ્તાની બોટ ઝડપાતા સુરક્ષા સઘન કરવામાં આવી છે.  BSFનાં જવાનો દ્વારા પેટ્રોલિંગ વધારી દેવામાં આવ્યું છે. ફરાર થનારાની શોધખોળ હાથ ધરાઇ છે. તેમજ આસપાસની સુરક્ષા ટીમને સતર્ક રહેવા માટે સંદેશ મોકલી દેવાયાં છે. બોટમાં સવાર માછીમારો કોણ હતાં. એ અંગે તપાસ હાથ ધરાઇ છે

કેવી રીતે પકડાઇ બોટ?
 BSFનાં જવાનો પેટ્રોલિંગ કરી રહ્યાં હતા. તે દરમિયાન સિરક્રિક પર એક શંકાસ્પદ હાલતમાં માછિમારી માટેની બોટ પકડાયી હતી. આ બોટ પાકિસ્તાની હતી. જેમાંથી પાકિસ્તાની ચીજવસ્તુઓ મળી આવી હતી. જોકે માછીમારો ફરાર થઇ ગયા હતાં. સિરક્રિકમાં સર્ચ ઓપરેશન હાથ ધરાયું છે.
આઇબી દ્વારા જૈશેના કમાન્ડર ઉસ્માન દ્વારા ભારતનાં અલગ અલગ શહેરોમાં હુમલા કરવા માટે મિટીંગ કરવામાં આવી હતી. જેને પગલે સુરક્ષા એજન્સીઓને સતર્ક રહવાના આદેશ પણ અપાયા છે. તેવા સંજોગોમાં સિરક્રિકમાંથી મળેલી બે બોર્ટને પગલે માહોલ ગરમાયો છે.