આજનો રવિવાર ગોઝારો સાબિત થયો છે. વહેલી સવારથી જ વડોદરા, રાજકોટ ભાવનગરમાં અકસ્માતની ભરમાર શરૂ થઈ ગઈ છે જેમાં અત્યાર સુધીમાં 6 લોકો અકસ્માતમાં પોતાના જીવ ગુમાવી ચુક્યા છે ત્યારે રાજકોટમાં બે કાર વચ્ચે ભયંકર અકસ્માત થયો છે. જેમાં કારમાં સવાર માતા-પુત્રી બંનેના મોત થઈ જતા અરેરાટી ફેલાઈ ગઈ હતી.
2 કાર વચ્ચે ગમખ્વાર અકસ્માત
અકસ્માતમાં માતા-પુત્રીના મોત
રાજકોટ ભરૂડી ટોલનાકા પાસે સર્જાયો અકસ્માત
રાજકોટમાં બે કાર વચ્ચે ભયંકર અકસ્માતમાં માતા-પુત્રીના મોત થઈ જતા આસપાસના ગામના લોકો હિબકે ચઢ્યા હતા.
રાજકોટ ભરૂડી ટોલ નાકા પાસે અકસ્માત 2 કાર વચ્ચે ગમખ્વાર અકસ્માત સર્જાયો હતો. અકસ્માતમાં 2 લોકોના મોત થયા છે. કારમાં સવાર માતા-પુત્રીનું ઘટનાસ્થળે જ મોત નિપજ્યું છે. જયારે ઘાયલોને સારવાર માટે હોસ્પિટલ ભેગા કરવામાં આવ્યા
પોલીસે શરૂ કરી કાર્યવાહી
ઘટનાની જાણ થતાં કાર અકસ્માતની ઘટના અંગે પોલીસે તપાસ હાથ ધરી છે. હાલ પોલીસે અકસ્માતે ગુનો નોંધીને તપાસ શરૂ કરી છે.
અત્યાર સુધીમાં 6ના મોત
સુરેન્દ્રનગર લીંબડી હાઈવે ઉપર અકસ્માતમાં 3ના મોત થયા છે જ્યારે ભાવનગરમાં એક લગ્નમાં ફાયરિંગની ઘટનમાં એકનું મોત થયુ છે.
તો વળી વહેલી સવારે એક રીક્ષા કેનાલમાં ગાયબ થતા તેમાં સવાર મુસાફરો અને ડ્રાઈવર પાણીમાં ડુબી ગયા હોવાની શંકા સેવાઈ રહી છે.