અરુણાચલ પ્રદેશ / ચીન બોર્ડર નજીક કામ કરી રહેલા 19 શ્રમિકો ગુમ, કુમી નદીમાં ડૂબી જવાથી મોતની આશંકા

• અરુણાચલ પ્રદેશમાં કુમી નદીમાં ડુબી જવાને લીધે 19 શ્રમિકોના મોત આશંકા
• શ્રમિકો ચીન બોર્ડર નજીક માર્ગ નિર્માણને લગતી કામગીરી કરી રહ્યા હતા
• અવિરત વરસાદને કારણે નદીઓના જળસ્તરમાં વધતા અભિયાન મુશ્કેલ બન્યું 

અરુણાચલ પ્રદેશમાં ચીન સરહદ પાસે રોડ નિર્માણના કામમાં રોકાયેલા 19 મજૂરો નદીમાં ડૂબી જવાની આશંકા છે. એક મીડિયા રિપોર્ટ્સ અનુસાર, આ મજૂરોએ ઈદ નિમિત્તે રજા માંગી હતી, પરંતુ મંજૂરી ન મળતા તેઓ પગપાળા આસામ જવા રવાના થઈ ગયા. એક સપ્તાહ પહેલા જ નીકળેલા મજૂરો વિશે કંઈ જાણવા મળ્યું નથી. તેઓ કુમી નદીમાં ડૂબી ગયા હોવાની આશંકા છે.

અરુણાચલ પ્રદેશ : કુમી નદીમાં ડૂબવાને કારણે 19 મજૂરોના મોત#ArunachalPradesh

— VTV Gujarati News and Beyond (@VtvGujarati) July 18, 2022

તમામ મજૂરો આસામના રહેવાસી હતા 

પ્રાપ્ત માહિતી અનુસાર તમામ મજૂરો આસામના રહેવાસી હતા. તેઓને બોર્ડર રોડ ઓર્ગેનાઈઝેશન (BRO) દ્વારા અરુણાચલ પ્રદેશમાં ચીનની સરહદ પાસે રોડ બનાવવા માટે કામે લગાડવામાં આવ્યા હતા. તેણે ઈદના તહેવાર પર ઘરે જવા માટે કોન્ટ્રાક્ટર પાસે રજા માંગી હતી. પરંતુ રજા ન મળતા તે પગપાળા જ નીકળી ગયો હતો. અગાઉ તેઓ કુરુંગ કુમે જિલ્લાના જંગલોમાં ગાયબ થઈ ગયા હતા.

તમામ મજૂરોના મોત થયા હોવાની આશંકા

કુમી નદી પાર કરતી વખતે તમામ મજૂરોના મોત થયા હોવાની આશંકા છે. બચાવ કામગીરી ચાલુ છે. હવે સર્ચની સાથે અન્ય એક ટીમને સ્થળ પર મોકલવામાં આવશે. અવિરત વરસાદને કારણે નદીઓના જળસ્તરમાં પણ વધારો થયો છે અને અભિયાન પણ મુશ્કેલ બની રહ્યું છે. સ્થાનિક સ્તરેથી મળેલા અપ્રમાણિત અહેવાલો અનુસાર આ તમામ મજૂરોના મોત થયા છે. જો કે હજુ સુધી પોલીસ કે વહીવટીતંત્ર તરફથી કોઈ સત્તાવાર પ્રતિક્રિયા આવી નથી. અવિરત વરસાદને કારણે નદીઓના જળસ્તર વધી જતાં ડૂબી ગયેલા લોકોના બચવાની આશા ઓછી છે.