અમદાવાદઃ સેટેલાઈટ વિસ્તારમાં વિક્રમનગર કોલોની ખાતે એક બ્લોકમાંથી 18 વર્ષીય એક વિધાર્થીનીએ રહસ્યમય સંજોગોમાં છઠ્ઠા માળેથી પડતું મૂકી આત્મહત્યા કરી છે. આત્મહત્યાને પગલે સમગ્ર વિસ્તારમાં ભારે ચકચારી મચી ગઈ હતી.
જ્યારે યુવતીએ સ્યુસાઈડ કર્યું ત્યારે તેના ઘરે કોઈ હતું નહિ. યુવતીના પિતા ઈસરોમાં આસિસ્ટન્ટ એન્જિનીયર તરીકે ફરજ બજાવે છે. યુવતી બીઈ એન્જિનીયરિંગમાં અભ્યાસ કરતી હોવાનું સામે આવ્યું છે.
યુવતીએ માનસિક તનાવના કારણે આત્મહત્યા કરી હોય તેવું પ્રાથમિક ધોરણે જાણવા મળ્યું છે. યુવતીની પાસેથી એક સ્યુસાઈડ નોટ પણ મળી આવી છે. હાલમાં સેટેલાઈટ પોલીસે અકસ્માત મોતનો ગુન્હો નોધી તપાસ શરૂ કરી છે.