ડિયર મોદી 1654 દિવસ થયા તમે પ્રેસ કોન્ફરન્સ નથી કરી: રાહુલ ગાંધી

કોંગ્રેસ અધ્યક્ષ રાહુલ ગાંધી પીએમ મોદીને નિશાને લેવાની એક પણ તક જતી કરતા નથી. ત્યારે રાહુલ ગાંધીએ પોતાની પ્રેસ કોન્ફરન્સની તસવીરો ટ્વીટ કરીને પીએમ મોદીને પણ પ્રેસ કોન્ફરન્સ કરવાની સલાહ આપી.

રાહુલ ગાંધીએ ટ્વીટ કરીને કહ્યું કે તમારી સરકારને 1 હજાર 654 દિવસ થયા પણ તમે ક્યારેય પ્રેસ કોન્ફરન્સ યોજી નથી. રાહુલ ગાંધીએ પીએમ મોદીને પ્રેસ કોન્ફરન્સ કરીને પત્રકારોના સવાલોના જવાબ આપવા સલાહ આપી.

રાહુલ ગાંધીએ કહ્યું કે ડિયર મોદી ચૂંટણી પ્રચાર ખતમ થઈ ગયો છે આશા રાખુ છું કે હવે તમે પ્રધાનમંત્રી પદના પાર્ટ ટાઈમ જોબ માટે થોડો સમય કાઢો. જો કે તમને પ્રધાનમંત્રી બન્યાને 1 હજાર 654 દિવસ થઈ ચૂક્યા છે.

પરંતુ આજદિન સુધી તમે કોઈ પ્રેસ કોન્ફરન્સ યોજી નથી. હૈદરાબાદમાં અમારી પ્રેસ કોન્ફરન્સ થઈ એની આ તસવીરો છે. એક દિવસ તમે પણ ટ્રાય કરો. પત્રકારોના જવાબ આપવામાં તમને મજા આવશે.

આ અગાઉ રાહુલ ગાંધીએ આ વર્ષની 10 મેની પોતાના પત્રકાર પરિષદનો ફોટો ટવિટર પર શેર કરતાં લખ્યું હતું કે બેંગલુરૂમાં પ્રેસ કોન્ફરન્સ કરતાં ઘણી ખુશી મળી

જે લોકોના સવાલનો જવાબ ન આપી શક્યો તેમની માફી માગુ છું આપણા વડાપ્રધાને છેલ્લા ચાર વર્ષમાં એકપણ પ્રેસ કોન્ફરન્સ કરી નથી પરંતુ હુ કરતો રહીશ.