રાષ્ટ્રગીતના ગાયન દ્વારા તમામ 15 બાળકોનું કરાયું સન્માન
સુરતમાં 15મી ઓગસ્ટની અનોખી રીતે ઉજવણી કરાઈ છે. જેમાં એક હોસ્પિટલમાં IVF એવન્સ ટેક્નોજી દ્વારા નિઃસંતાન માતાના ઘરે ઘોડિયું બંધાયું છે. એક હોસ્પિટલમાં 15મી ઓગસ્ટના દિવસે 15 બાળકોની કિલકારી ગુંજી ઉઠી છે. જેને લઈ બાળકોનું સન્માન રાષ્ટ્રગીત ગાયન કરીને કરવામાં આવ્યું હતું
દેશભરમાં 75મા સ્વતંત્રતા દિવસની ઉજવણી ધામધૂમથી થઈ હતી. સુરતમાં 15મી ઓગસ્ટના દિવસે 15 જેટલી નિઃસંતાન માતા માટે આશાનું કિરણ ઘોડિયે બંધાયું છે. સુરતની IVF ટ્રી-નિટી હોસ્પિટલમાં ટેકનોલોજીની મદદથી 15 જેટલા બાળકોનો જન્મ થતા પરિવારમાં ઉત્સાહ જોવા મળ્યો હતો. જોકે દરેક માતાને ઘરે પારણું બંધાય તેવી આશા રખાતી જ હોય છે. પંરતુ કેટલી માતાને સંતાન થતા ન થવાની નિરાશા હોય છે.
આવી નિઃસંતાન માતાના ઘરે સ્વતંત્રતાના દિવસે પારણું બંધાતા ઉત્સાહ સમાતો ન હતો. એટલું નહિ પણ સ્વતંત્રતાના દિવસે માતાને સંતાન પ્રાપ્તીનું સુખ મળતા હોસ્પિટલમાં અનોખી રીતે ઉજવણી કરાઈ હતી. ખાસ કરીને બાળકનો જન્મ થાય છે. ત્યારે મિઠાઇ ખવડાવીને પરિવારનું મોઢું મીઠું કરાવતા હોય છે. પરંતુ 15મી ઓગસ્ટે 15 માતાના ખોળે 15 બાળકોનો જન્મ થતા હોસ્પિટલમાં સ્ટાફની સાથે માતા-પિતા અને સંબંધીઓ દ્વારા રાષ્ટ્રગીત ગાઈને વધામણા કર્યા હતા. આ બાળકોનો જન્મ સ્વતંત્રતાના દિવસે થતા દેશમાં ઇતિહાસ રચે તેવી પણ આશા વ્યક્ત કરાય હતી.