કર્મચારી રાજ્ય વીમા નિગમ (ESIC) ના આંકડા જણાવી રહ્યાં છે કે ગત વર્ષે છેલ્લા મહિને એટલે કે ડિસમ્બેરમાં અંદાજે 12.67 લાખ નોકરીઓનું સર્જન થયું. જેનાથી એક મહિના પહેલા એટલે કે નવેમ્બરમાં 2019માં 14.59 લાખ નોકરીઓનું સર્જન કરવામાં આવ્યું હતું. આમ જુઓ તો એક મહીનાની અંદર અંદાજે 1.92 લાખ નોકરીઓના સર્જનમાં ઘટાડો જોવા મળ્યો છે. આ રોજગારીને લઇને માઠા સમાચાર છે.
ESIC માં નવેમ્બર-2019માં 14.59 લાખ નોકરીનું સર્જન થયું
એક મહીનામાં 1.92 લાખ નોકરીઓમાં થયો ઘટાડો
આ રીતે કર્મચારી ભવિષ્ય નિધિ સંગઠન (EPFO) ના આંકડાઓ બતાવી રહ્યાં છે કે ડિસેમ્બર 2019માં ફોર્મલ સેકટરમાં નોકરી સર્જન 10.08 લાખ પર હતું જ્યારે એક વર્ષ પહેલા આ સમયમાં 5.59 લાખ નોકરીઓનું સર્જન કરવામાં આવ્યું હતું. આમ જુઓ તો એક વર્ષમાં 5 લાખથી વધારે નોકરીઓ વધી છે પરંતુ નવેમ્બર 2019ની સરખામણી કરીએ તો રોજગાર સર્જનમાં ઘટાડો જોવા મળે છે. ઉલ્લેખનીય છે કે નવેમ્બરમાં 10.09 લાખ નવી નોકરીઓનું સર્જન થયું હતું.
રાષ્ટ્રીય સાંખ્યિકી કાર્યાલય (NSO) નું માનીએ તો નાણાંકીય વર્ષ 2018-19 દરમિયાન ESIC ની સાથે કુલ 1.49 કરોડ નવા કર્મચારીઓ - કામદારોનું નામાંકન કરવામાં આવ્યું. સપ્ટેમ્બર 2017 થી ડિસેમ્બર-2019 દરમિયાન લગભગ 3.50 કરોડ નવા લોકો ESIC યોજનામાં સામેલ થયા.
અહીં જણાવી દઉ કે NSO ની રિપોર્ટ ESIC, EPFO અને પેંશન ફંડ નિયામક તથા વિકાસ પ્રાધિકરણ (પીએફઆરડીએ) દ્વારા સંચાલિત વિભિન્ન સામાજિક સુરક્ષા યોજનાઓની હેઠળ બનાવામાં આવેલ નવા સભ્યોના પેરોલ ડેટા પર આધારિત છે. એપ્રિલ 2018થી આ ત્રણ એકમો પર નોકરીના આંકડાઓ જારી કરવામાં આવે છે. તાજા આંકડાઓ મુજબ સપ્ટેમ્બર 2017થી ડિસેમ્બર 2019 દરમિયાન કર્મચારી ભવિષ્ય નિધિ ફંડ યોજનામાં અંદાજે 3.12 કરોડ નવાસભ્યો સામેલ થા છે.