ખેડૂત આંદોલન / 100 દિવસનું થયું ખેડૂત આંદોલન, આજે આવી રીતે ખેડૂતો કરશે વિરોધ

• ખેડૂત આંદોલનના 100 દિવસ
• આજે ખેડૂતો કાળી પટ્ટી બાંધીને વિરોધ કરશે
• કેએમપી એક્સપ્રેસ વે પર 5 કલાક કરશે નાકાબંધી

દિલ્હીની બોર્ડર પર ચાલી રહેલા ખેડૂત આંદોલનના આજે 100 દિવસ પૂરા થયા છે. આ આંદોલનના 100 દિવસ પૂરા થવાના અવસરે શનિવારે કેએમપી એક્સપ્રેસ વે પર 5 કલાક નાકાબંધીની સાથે કાળા દિવસના રૂપમાં ચિહ્નિત કરાશે. આ સિવાય ડાસના, દુહાઈ, બાગપત, દાદરી, ગ્રેટર નોઈડા પર પણ જામ કરાશે. અહીં ખેડૂતો કાળી પટ્ટી બાંધીને વિરોધ કરશે. ટોલપ્લાઝા પણ ફ્રી કરાશે. 

મધ્યપ્રદેશમાં મહાપંચાયત કરવાની યોજના

દિલ્હી સિવાય મધ્યપ્રદેશના છતરપુરમાં પણ 87 દિવસથી ખેડૂતો આંદોલન કરી રહ્યા છે. પોલિસ પ્રશાસને તેમને ટેન્ટ લગાવવાની કે અન્ય કોઈ સહાયતા પ્રદાન કરી નથી. અહીં 3 અને 4 માર્ચે પણ મહાપંચાયતનું આયોજન કરાયું હતું અને બાદમાં ટેન્ટ લગાવવાની પરમિશન અપાઈ હતી. આવનારા સમયમાં મધ્યપ્રદેશમાં મહાપંચાયત કરવાની યોજના પણ છે. 

સંયુક્ત કિસાન મોર્ચાના નેતાઓએ કીર્તી કિસાન યૂનિયન અને દિવંગત કોમરેડ દાતાર સિંહને આંદોલનમાં તેમના સમૃદ્ધ યોગદાન માટે શ્રદ્ધાંજલિ આપી છે. કીર્તી કિસાન યૂનિયન અને દિવંગત કોમરેડ દાતાર સિંહનું 21 ફેબ્રુઆરીએ નિધન થયું હતું. 

હરિયાણાના ખેડૂતોએ દિલ્હી તરફ કરી કૂચ

26 નવેમ્બર 2020એ પંજાબ અને હરિયાણાના ખેડૂતોએ દિલ્હી તરફ કૂચ કરી. રાતે અનેક મુશ્કેલીઓનો સામનો કરીને તેઓ સિંધુ બોર્ડર પહોંચ્યા અને અહીં પોલીસે તેમને રોક્યા હતા. દિલ્હી ચલો અભિયાન દિલ્હીની સીમામાં આવતું નથી અને બુરાડી મેદાનમાં પ્રદર્શનની મંજૂરીને ખેડૂતોએ નકારી હતી. 

11 વખત થઈ છે સરકાર સાથે વાતચીત

અત્યારસુધીમાં સરકાર અને ખેડૂતો વચ્ચે 11 વખત કૃષિ કાયદાને લઈને વાતચીત થઈ છે પણ તેનો કોઈ ઉકેલ આવ્યો નથી. સરકારે કાયદાને દોઢ વર્ષથી સ્થગિત કરવાનો પ્રસ્તાવ આપ્યો છે જેને ખેડૂતોએ સર્વસંમતિથી નકાર્યો છે. 

શરૂ થયો પંચાયત અને મહાપંચાયતનો દૌર
આંદોલનની વચ્ચે પંચાયત અને મહાપંચાયતનો સિલસિલો શરૂ થયો છે. બોર્ડર સિવાય પશ્ચિમી ઉત્તર પ્રદેશ, હરિયાણા, રાજસ્થાન અને પંજાબમાં પંચાયત અને મહાપંચાયતો ચાલી રહી છે. રાકેશ ટિકૈત સિવાય મહત્વપૂર્ણ ખેડૂતો નેતા તેની અધ્યક્ષતા કરી રહ્યા છે.