ચૂંટણી પ્રચાર / યુવાનોને દર મહિને 5000 રુપિયા અને 1 લાખ નવી નોકરીઓ, જાણો કેજરીવાલે ક્યાં કરી મોટી જાહેરાત

• ઉત્તરાખંડ જીતવા આમ આદમી પાર્ટીની મોટી જાહેરાત
• યુવાનોને દર મહિને આપશે 5,000 રુપિયાનું ભથ્થું
• અરવિંદ કેજરીવાલે હલ્દાનીમાં પ્રેસ કોન્ફરન્સ કરીને મોટી યોજનાની જાહેરાત કરી 

ઉત્તરાખંડ વિધાનસભાની ચૂંટણી લડી રહેલી આમ આદમી પાર્ટીએ રાજ્યમાં સરકાર બન્યા બાદ યુવાનોને દર મહિને 5,000 નું ભથ્થું તથા રાજ્યમાં 6 લાખ નવી નોકરીઓના સર્જનની મોટી જાહેરાત કરી દીધી છે. 

પાર્ટી સંયોજક અને દિલ્હીના સીએમ અરવિંદ કેજરીવાલે હલ્દ્વાનીમાં પ્રેસ કોન્ફરન્સ કરીને મોટી જાહેરાત કરી. 

હલ્દ્વાનીમાં પ્રેસ કોન્ફરન્સ કરીને કેજરીવાલે આમ આદમી પાર્ટીની બીજી ગેરન્ટી યોજના હેઠળ દરેક ઘર માટે રોજગારી તથા 5 હજાર રુપિયા આપવાની જાહેરાત કરી છે. કેજરીવાલે કહ્યું કે જો રાજ્યમાં આમ આદમી પાર્ટીની સરકાર બનશે તો 6 મહિનામાં એક લાખ નવી નોકરીઓ ઊભી કરવામાં આવશે. 

.@ArvindKejriwal जी की #Uttarakhand के युवाओं को गारंटी।#KejriwalKiRozgarGuarantee pic.twitter.com/7bEGmjyn3g

— Aam Aadmi Party Uttarakhand (@AAPUttarakhand) September 19, 2021

કોટિયાલ સાહેબને નોકરીઓ આપવા આવડે છે
કેજરીવાલે કહ્યું કે અમારા સીએમ કેન્ડીડેટ કોટિયાલ સાહેબને નોકરીઓ આપતા આવડે છે. તેમણે અત્યાર સુધી 10,000 બાળકોને નોકરીઓ આપી છે તેમણે આ કામ એવા સમયે કરી દેખાડ્યું છે કે જ્યારે તેમની પાસે કોઈ સંસાધનો નહોતા. બસ તેમની એકમાત્ર ઈચ્છા હતી કે તેમના બાળકો બેરોજગાર ન રહે. તેમની દાનત હતી અને ઈચ્છા પણ અને તેમને નોકરીઓ આપતા પણ આવડે છે. 

કેજરીવાલની બીજી ગેરન્ટી
- ઉત્તરાખંડના દરેક પરિવારને રોજગારી
- છ મહિનામાં 1 લાખ સરકારી નોકરીઓ
- રોજગારી ન મળે ત્યાં સુધી દર મહિને 5000 નું ભથ્થું
- નોકરીઓમાં ઉત્તરાખંડના લોકોને 80 ટકા અનામત
- ઉત્તરાખડમાં જોબ પોર્ટલ બનાવાશે.
- રોજગારી અને પલાયનનું એક અલગ મંત્રાલય બનાવાશે.