એક યુઝરે LinkedIn પર એક પોસ્ટ શેર કરી છે જેમાં Zomato ઓર્ડર બિલ અને ઑફલાઇન ઓર્ડર બિલ છે. જેમાં યુઝરે જણાવ્યું હતું કે તેને સેમ ઓર્ડર ઓનલાઈન મંગાવવો મોંઘો પડ્યો છે કારણ કે Zomatoએ સેમ ઓર્ડર પર 178 રૂપિયા વધારે વસુલ્યા છે.
સોશિયલ મીડિયા પર વાયરલ થઈ રહ્યું આ બીલ
શખ્સને ઓનલાઈન ફૂડ ઓર્ડર પડ્યું મોંઘુ
Zomatoએ સેમ ઓર્ડર પર 178 રૂપિયા વધારે વસુલ્યા
આજ કાલ બીઝી લાઈફના કારણે દરેક વ્યક્તિ એવું વિચારે છે કે બહાર જઈને ભોજન કરવું એના કરતા વર્ક પ્લેસ પર જ ભોજન ઓર્ડર કરવાથી તેમનો સમય બચી જશે. હવે મોબાઈલથી તમે ખાવા-પીવાથી લઈને દવા, શાકભાજી, રાશન વગેરે કંઈપણ ઓર્ડર કરી શકો છો. તે પણ એક જ ક્લિક પર. આ જ કારણ છે કે આજના સમયમાં દરેક વ્યક્તિ માત્ર ઓનલાઈન ઓર્ડરને જ પ્રાધાન્ય આપવા લાગી છે.
ભારે ડિસ્કાઉન્ટ પણ ઓનલાઈન ઉપલબ્ધ છે. ક્યાંય જવાની ઝંઝટ નહીં અને ભારે ડિસ્કાઉન્ટ મેળવવાના કારણે, દરેક વ્યક્તિએ ઓનલાઈન ફૂડ ઓર્ડર કરવાનું વધુ શરૂ કર્યું છે.
ગ્રાહકે શેર કર્યા બિલ
Zomato, Swiggy જેવા પ્લેટફોર્મે તમારા ઘર સુધી ફૂડ પહોંચાડવાનું કામ ખૂબ જ સરળ બનાવી દીધું છે. ઓનલાઈન ફૂડ ઓર્ડર કરવા પર તે તમને વિવિધ ઑફર્સ પણ આપતા રહે છે. પરંતુ વુચારવા જેવી વાત એ છે કે તેનાથી તમને કેટલો ફાયદો થઈ રહ્યો છે. ખુદ ગ્રાહકને પણ આ વાતની ખબર નહીં હોય.
તાજેતરમાં એક એવો કિસ્સો સામે આવ્યો છે. જેને જાણીને તમારા જેવા લાખો ગ્રાહકો ચોંકી જશે. હકીકતે એક ગ્રાહકે સોશિયલ મીડિયા પર પોતાની સાથે બનેલી એક ઘટના શેર કરી છે તે શેર કરતાની સાથે જ Zomato અને Swiggy પરથી ફૂડ ઓર્ડર કરનાર દરેક વ્યક્તિ તેના પર પ્રતિક્રિયા આપી રહ્યો છે. હકીકતે Zomatoની ઑફર પછી પણ યુઝરને ઑફલાઇન ઑર્ડર કરતાં ઑનલાઈન ફૂડ ઑર્ડર કરવા માટે વધુ પૈસા ચૂકવવા પડ્યા હતા.
ડિસ્કાઉન્ટ પછી પણ ઓનલાઈન ફૂડ મોંઘું
હકીકતે પ્રોફેશનલે આ વાત પોતાના સોશિયલ મીડિયા પ્લેટફોર્મ એટલે કે LinkedIn પર શેર કરી છે. રાહુલ કાબરા નામના આ યુઝરે એક જ રેસ્ટોરન્ટના ઓનલાઈન અને ઓફલાઈન ઓર્ડરનું બિલ શેર કરીને બધાને ચોંકાવી દીધા છે. યુઝરે ઓફલાઈન અને ઓનલાઈન બન્ને જગ્યા પરથી એક જ વસ્તુનો ઓર્ડર આપ્યો હતો, પરંતુ બંનેની કિંમતો સંપૂર્ણપણે અલગ હતી.
કાબરાએ જણાવ્યું કે બંને વખત Veg black pepper sauce, Vegetable fried rice, and Mushroom momoનો ઓર્ડર આપ્યો હતો. તેમણે ઑફલાઇન ઓર્ડર પર કુલ રૂ. 512નું બિલ આપ્યું, જેમાં સેન્ટ્રલ GST (CGST) અને સ્ટેટ GST (SGST) બંનેનો સમાવેશ થાય છે. બીજી તરફ, ઓનલાઈન ઓર્ડર કર્યો જેના માટે તેણે રૂ. 689.90 ચૂકવ્યા અને તે પણ રૂ. 75 (Zomato Discount) મેળવ્યા પછી.
ગ્રાહકે સરકાર પાસે કરી આ માંગ
LinkedIn યુઝરે એમ પણ લખ્યું છે કે 'મને લાગે છે કે આટલા મોટા ભાવ તફાવત પર મર્યાદા લાદવાની જરૂર છે. ઉપરાંત, સરકારે આવી કેપ લાગુ કરવી જોઈએ, જેથી તમામ હિતધારકો તેનો લાભ લઈ શકે. કાબરાએ એમ પણ લખ્યું છે કે 'હાલમાં તમામ સ્ટાર્ટઅપ નવા ગ્રાહકો આકર્ષવા માટે ખર્ચ સાથે સંઘર્ષ કરી રહ્યા છે. ત્યાં જ ગ્રાહકની લાઈફ ટાઈમ વેલ્યુ વધારવા માટે તેમને રોકાયેલા રાખવા ખૂબ જ જરૂરી છે.