છેલ્લા કેટલાક સમયગાળાથી ડાયમંડ નગરી સુરતમાં હત્યાનો સીલ સિલો યથાવત છે. ત્યારે આજરોજ ફરી એકવાર એક જુવાનિયાનું ઢીમ ઢાળી દેવાયું હોવાની ઘટના પ્રકાશમાં આવતા સમગ્ર પંથકમાં ખળભળાટ મચી જવા પામ્યો હતો.
સુરતમાં યુવકની હત્યાથી પોલીસ થઇ દોડતી
ભટાર સ્થિત રસુલાબાદ-આઝાદનગર રોડ પર હત્યા
આશિષ નામના યુવકને ચપ્પુના ઘા મારી હત્યા
પ્રાપ્ત થતી જાણકારી પ્રમાણેસ સુરતના ભટાર વિસ્તારમાં રસુલાબાદ આઝાદનગર રોડ પર એક યુવકની હત્યા કરવામાં આવી હતી. આશિષ નામના યુવકને કેટલાક ઈસમોએ ચપ્પુના ઘા મારીને હત્યા કરી હતી.
યુવકની છરીના ઘા ઝીંકી હત્યા
ઉલ્લેખનીય છે કે, હત્યાની વધુ એક ઘટના બનતા સમગ્ર પંથકમાં ચકચાર મચી જવા પામી હતી. જો કે, બનાવ અંગેની જાણ થતાં જ પોલીસ કાફલો ઘટના સ્થળે આવી પહોંચ્યો હતો અને તપાસ હાથ ધરી હતી.
એક મહિનામાં 6 હત્યાની ઘટના સામે આવી
પોલીસને પ્રાથમિક તપાસ દરમિયાન સમગ્ર હત્યાના સીસીટીવી મળી આવ્યા છે. જેના આધારે ખટોદરા પોલીસે ગુનો નોંધી તપાસ શરૂ કરી હતી. સુરત શહેરમાં છેલ્લા એક મહિનામાં 6 હત્યાની ઘટના સામે આવી છે.
સીસીટીવી ફૂટેજ સામે આવ્યા
આપને જણાવી દઇએ કે, સીસીટીમાં જોવા મળી રહ્યું છે કે બે અજાણ્યા શખ્સો આશિષ નામના યુવકને છરીના ઘા ઝીંકીને ફરાર થઇ ગયા હતા. ઘાયલ થયેલો આ યુવક ઘાયલ અવસ્થામાં ભાગતો CCTV વીડિયોમાં દેખાઈ રહ્યું છે. હત્યારાઓના વારનો ભોગ બન્યા બાદ આશિષ દૂર જઈને ઢળી પડે છે તેવું સીસીટીવીમાં સાફ દેખય આવે છે. અને ત્યારબાદ બને વ્યક્તિઓ નાસી છૂટયા હતા જેથી હાલમાં સીસીટીવી ફૂટેજ સામે આવી રહ્યા છે.