રાજ્યમાં આટલી નાની ઉંમરના બાળકને મ્યુકોરમાઇકોસિસ થવાનો આ પ્રથમ કિસ્સો, સુરતમાં 3 વર્ષના બાળકને મ્યુકોમાઈકોસિસ
સુરતમાં 3 વર્ષના બાળકને મ્યુકોમાઈકોસિસ
નાના બાળકને મ્યુકરમાઈકોસિસ પ્રથમ કિસ્સો
સિટી સ્કેન કરાતા કોરોનાના લક્ષણો પણ જણાયા
રાજ્યમાં કોરોના સંક્રમણ ઘટી રહ્યું છે પરતું હજુ પણ ત્રીજી લહેરની સંભાવના જોવાઈ રહી છે એવું મનાઈ રહ્યું છે કે કોરોનાની ત્રીજી લહેરમાં નાના બાળકો વધુ ભોગ બની શકે છે ત્યારે 3 વર્ષના બાળકમાં કોનાના અને મ્યુકરમાઈકોસિસના લક્ષણ જોવા મળ્યા છે સુરતમાં સૌથી નાની ઉંમરના બાળક મ્યુકરમાઈકોસિસનો ભોગ બન્યો હોવાનુ સામે આવ્યું છે.
સુરતમાં 3 વર્ષના બાળકને મ્યુકોમાઈકોસિસ
બાળક શંકાસ્પદ લક્ષણો જણાતા બાળકનું સિટી સ્કેન કરવામાં આવતા તેનામાં કોરોનાના લક્ષણો પણ જોવા મળ્યા હતા જો હાલ બાળકને સારવાર અર્થે સુરત સિવિલ ખસેડવામાં આવ્યો છે. રાજ્યમાં આટલી નાની ઉંમરના બાળકને મ્યુકોરમાઇકોસિસ થવાનો આ પ્રથમ કિસ્સો છે. હાલ બાળકની હાલત ગંભીર હોવાથી હાયર સેન્ટરમાં રિફર કરવામાં આવ્યો છે.
સિટી સ્કેન કરાતા કોરોનાના લક્ષણો પણ જણાયા
ડૉક્ટરોના જણાવ્યા મુજબ 3 વર્ષના બાળકનું સીટી સ્કેન કરવામાં આવ્યું હતું. જેમાં મ્યુકરમાઇકોસિસની સાથે સાથે કોરોના હોવાનું જાણવા મળ્યું હતું. ત્યારબાદ બાળકને તાત્કાલિક સારવાર માટે ખસેડવામાં આવ્યો હતો. સારવાર દરમિયાન બાળકના આંખ, કાન અને દાંતના ડોક્ટરોને તપાસ કરવા માટે મોકલવામાં આવ્યો હતો. એટલું જ નહીં બાળકની સ્થિતિ નાજુક હોવાને કારણે તેને હાયર સેન્ટર પર રીફર કરવામાં પણ આવ્યો છે
મ્યુકોરમાઇકોસિસના કેસમાં પણ વધારો
કોરોનાની સાથે સાથે મ્યુકોરમાઇકોસિસ નામની જીવલેણ બીમારીના દર્દીઓમાં પણ ચિંતાજનક વધારો થઈ રહ્યો છે. મહત્વનું છે કે બીજી લહેરમાં કોરોના બાદ મ્યુકરમાઈકોસિસના કેસમાં ભરમાર વધારો જોવા મળ્યો હતો જેમા અનેક લોકોને જીવ ગુમાવ્યા હતા અને મ્યુકોરમાઈકોસિસને કારણે અનેક લોકો પર સર્જરી પણ કરવામાં આવી હતી.
અત્યાર સુધીમાં 491 દર્દીઓ પર સફળ સર્જરી
જો વાત કરવામાં આવે તો રાજ્યમાં મ્યુકરમાઈકોસિસના 299 દર્દીઓ સારવાર અર્થે હોસ્પિટલમાં દાખલ કરાયા છે જેમાં સુરત સ્મિમેર હોસ્પિટલમાં 50 દર્દીઓ જ્યારે સિવિલ હોસ્પિટલમાં 3 દર્દીઓ પર સર્જરી કરવામાં આવી છે. જો કે અત્યાર સુધીમાં 491 દર્દીઓ પર સફળ સર્જરી કરવામાં આવી છે.