World Heart Day / શરીરમાં આવા લક્ષણો દેખાય તો સમજી જજો હાર્ટ હેલ્ધી નથી, જાણો કઈ રીતે રાખશો ધ્યાન

• હૃદયરોગ દુનિયા માટે એક ગંભીર સમસ્યા
• તમારા હાર્ટમાં સમસ્યા છે કે નહીં?
• ઘર બેઠાં તબીબની સલાહ લીધા વગર જાણી શકશો

હાર્ટ એટેક જીવલેણ બિમારી

કોરોના વાયરસને કારણે દુનિયાભરમાં લાખો લોકોના મોત થયા છે. પરંતુ કોરોના સિવાય પણ વિશ્વમાં એક બિમારી એવી છે, જે માણસ માટે જીવના જોખમ સમાન છે. જેમાંથી એક છે હૃદય રોગ. લોકો સ્વસ્થ રહેવા માટે ઘણા નુસખા અપનાવે છે. પરંતુ ત્યારબાદ પણ હાર્ટ એટેકનો ખતરો ઝળુંબે છે. તમારું હાર્ટ કેટલું મજબુત છે તે તમે તબીબની સલાહ લીધા વગર ઘર બેઠાં જાણી શકો છો. આવો જાણીએ તમે કેવીરીતે જાણી શકો છો કે તમારું હાર્ટ સ્વસ્થ છે કે નહીં.

હાર્ટમાં સમસ્યા હોવાના લક્ષણો

ચાલવામાં શ્વાસ ફૂલવો
અવાર-નવાર છાતીમાં દુ:ખાવો થવો
કામ કરતી વખતે થાક મહેસુસ કરવો
નબળાઈ મહેસુસ કરવી

પગથિયા ચઢતી વખતે તમે જાણી શકો છો

યુરોપીયન સોસાયટી ઓફ કાર્ડિયોલોજીના એક રિપોર્ટ મુજબ, તમે તમારા ઘરના પગથિયા ચઢતી વખતે તમારા હાર્ટનો ટેસ્ટ કરી શકો છો. જો તમે 90 સેકન્ડ એટલેકે દોઢ મિનિટમાં ઓછામાં ઓછા 60 પગથિયા ચઢી લો તો તમારુ હાર્ટ સ્વસ્થ છે. પરંતુ જો તમે ચઢી શકતા નથી તો તમારે તમારા તબીબની સલાહ લેવી જોઈએ.

હાર્ટમાં તકલીફ થવાના લક્ષણો

હાર્ટના દર્દીને શ્વાસની તકલીફ થાય છે. નબળાઈ અને થાક વધે છે. આ સિવાય સતત ઉધરસ અને ફ્લૂડ રિટેન્શનથી વજન વધવો, ભૂખ ના લાગવી અને વારંવાર પેશાબ જવુ તેના મુખ્ય લક્ષણો છે.

ડૉકટરની સલાહ ક્યારે લેવી

જો તમને 60 પગથિયા ચઢવામાં 90 સેકન્ડથી વધુનો સમય થાય છે તો તેનો અર્થ છે કે હાર્ટ સ્વસ્થ નથી અને તમારે તાત્કાલિક તબીબનો સંપર્ક કરવો જોઈએ. 60 પગથિયા ચઢવામાં 90 સેકન્ડથી વધુનો સમય લેનારા લગભગ 58 ટકા લોકોની હૃદયની કામગીરી ખરાબ હતી.

ખાવાપીવાનું રાખો ધ્યાન

હાર્ટની બિમારી મોટાભાગના મામલે જીવલેણ હોય છે. જો તમારામાં પણ હાર્ટ સંબંધિત કોઈ લક્ષણો જોવા મળે છે તો તમારે સૌપ્રથમ પોતાના ખાવા-પીવાની જીવનશૈલી પર ધ્યાન રાખવુ જોઈએ. તબીબની સલાહ મુજબ તમારી જીવનશૈલી ગોઠવો.