- ભારતીય ટીમે વર્લ્ડ કપ 2023માં સતત આઠ જીત મેળવી
- પેસ બોલિંગ અટેક બાબતે ભારતનું ચોંકાવનારું નિવેદન
- પેસ બોલિંગ અટેકના કારણે સંતુલનને એક નવો આયામ આપવામા આવ્યો
ભારતીય ટીમે વર્લ્ડ કપ 2023માં સતત આઠ જીત મેળવી છે અને પોઈન્ટ ટેબલમાં ટોપ પર છે. બુધવારે ભારત અને ન્યુઝીલેન્ડ વચ્ચે સેમિફાઈનલ મેચ રમવામાં આવશે. વન ડેના ઈતિહાસમાં ભારતીય ટીમે સતત આઠ જીત મેળવીને સંતુલિત ટીમનું લેવલ જાળવી રાખ્યું છે. પેસ બોલિંગ અટેકના કારણે સંતુલનને એક નવો આયામ આપવામા આવ્યો છે. પૂર્વ કેપ્ટન સૌરવ ગાંગુલી જણાવે છે કે, વર્તમાન પેસ અટેક બોલિંગ ભારતનું સર્વકાલીન સર્વશ્રેષ્ઠ નથી.
સૌરવ ગાંગુલીની કેપ્ટનશીપમાં ભારતીય ટીમ વર્ષ 2003માં સેમિફાઈનલ મેચમાં પહોંચી ગઈ હતી. સૌરવ ગાંગુલી જણાવે છે કે, ‘બે દાયકા પહેલા રમાયેલ વર્લ્ડ કપમાં જહીર, નેહરા અને શ્રીનાથનો પેસ અટેક ભારતનો સર્વકાલીન સર્વશ્રેષ્ઠ હતો. હું એવું ના કહી શકું કે તે ભારતનો સર્વકાલીને સર્વશ્રેષ્ઠ પેસ અટેક હતો. વર્ષ 2003ના વર્લ્ડ કપમાં નેહરા, દહીર અને શ્રીનાથે શાનદાર બોલિંગ કરી હતી.’
સૌરવ ગાંગુલીએ બુમરાહના ભરપૂર વખાણ કર્યા હતા અને જણાવ્યું હતું કે, તેમની હાજરીમાં ભારતીય ટીમ અલગ રીતે જ પેસ અટેક કરે છે. બુમરાહ, શમી અને સિરાજને બોલિંગ કરતા જોવા તે રોમાંચક ક્ષણ છે. બોલિંગ હંમેશા જોડીમાં થતી હોવાને કારણે બોલર પર હંમેશા પ્રેશર હોય છે. બુમરાહ અન્ય બે સાથી બોલર પર પણ છાપ છોડે છે.
સૌરવ ગાંગુલીએ મોહમ્મદ શમીની પ્રશંસા કરતા જણાવ્યું કે, આ પેસરને શરૂઆતથી જ પ્લેઈંગ ઈલેવનમાં શામેલ કરવાનો હતો. મોહમ્મદ શમીએ ચાર મેચમાં 16 વિકેટ લઈને શાનદાર બોલિંગ કરી છે.
