- વર્લ્ડ કપ કરતાં પણ IPL ટ્રોફી જીતવું અઘરું
- ગાંગુલીના નિવેદન પર ભડક્યા ફેંસ
- ફેન્સ કરી રહ્યા છે ગાંગુલીને ટ્રોલ
ભારતના પૂર્વ કેપ્ટન અને બીસીસીઆઈ અધ્યક્ષ સૌરવ ગાંગુલીએ એક એવું નિવેદન આપ્યું છે જેને જાણીને ફેન્સ ચોંકી જશે. હકીકતે એક ઈન્ટરવ્યૂમાં ગાંગુલીએ રોહિત શર્માની કેપ્ટન્સીનો બચાવ કરતા કહ્યું કે આઈપીએલની ટ્રોફી જીતવી વર્લ્ડ કપની જીત કરતા વધારે અઘરૂં છે. ગાંગુલીનું આ નિવેદન ફેંસને ચોંકાવી રહ્યું છે. જણાવી દઈએ કે રોહિતની કેપ્ટન્સીમાં મુંબઈ 5 વખત આઈપીએલ જીત્યું.
એવામાં એક ઈન્ટરવ્યૂમાં ગાંગુલીએ કહ્યું, "મને રોહિત પર સંપૂર્ણ વિશ્વાસ છે. તેમણે અને એમએસ ધોનીએ 5 આઈપીએલ ટ્રોફી જીતી છે. આઈપીએલ એટલું સરળ નથી કારણ કે આ એક ખતરનાક ટૂર્નામેન્ટ છે. આઈપીએલ જીતવું વર્લ્ડ કપ જીતવાથી વધારે મુશ્કેલ છે. કારણ કે ત્યાં 14 મેચો હોય છે અને જેના બાદ તમે પ્લેઓફમાં ભાગ લો છો. વર્લ્ડ કપમાં સેમીફાઈનલમાં જગ્યા બનાવવા માટે ફક્ત 4-5 મેચ રમાય છે. આઈપીએલમાં તમારે ચેમ્પિયન બનવા માટે 17 મેચ રમવી પડે છે."
હકીકતે ગાંગુલીનું આ નિવેદન ભારતની WTC Finalમાં મળેલી હારના બાદ આવ્યું છે. ભારતને વિશ્વ ટેસ્ટ ચેમ્પિયનશિપના ફાઈનલમાં ઓસ્ટ્રેલિયાએ 209 રનોથી હરાવી દીધુ હતું. 10 વર્ષથી ભારતીય ક્રિકેટ ટીમ આઈસીસી ટ્રોફી જીતવા માટે તરસી રહી છે. એામાં ગાંગુલીએ હવે આવું નિવેદન આપીને ફેન્સની વચ્ચે હલચલ મચાવી દીધી છે.
