અમેરિકાના રાષ્ટ્રપતિ ડોનાલ્ડ ટ્રમ્પ સોમવારના રોજ ભારત પ્રવાસે આવી રહ્યાં છે. ટ્રમ્પ ભારતમાં દુનિયાનું સૌથી મોટું ક્રિકેટનું મેદાન જોશે અને સેવન વંડર્સમાં તાજમહેલને પણ નિહાળશે. પીએમ મોદી અને ટ્રમ્પ એકવાર ફરી પોતાની દોસ્તી દુનિયાને દેખાડશે.
ટ્રમ્પે કહ્યું તે અમેરિકાના હિતને આગળ રાખશે
ભારત પર વધુ ટેક્સ લેવાનો લગાવી ચૂક્યાં છે આરોપ
ભારત સાથે થઇ શકે છે શાનદાર ડીલ, કદાચ હાલ ટળી પણ શકે
ટ્રમ્પની આ મુલાકાતને લઇને જો કે ટ્રેડ ડીલને લઇને કાંઇ સ્પષ્ટ જોવા મળી રહ્યું નથી. યુએસના રાષ્ટ્રપતિ ટ્રમ્પે ભારતની મુલાકાત પહેલા જ સ્પષ્ટ કરી દીધું છે કે તેઓ અમેરિકાના હિતને આગળ રાખી કેટલીક વાત કરશે. જ્યારે બીજી તરફ કોંગ્રેસ પાર્ટીએ કહ્યું કે સરકાર ટ્રમ્પને અહીં ચૂંટણી પ્રચારની તક ના આપે અને ભારતના હિતમાં કેટલાંક ઠોસ નિર્ણય લે.
ભારત પર વધારે ટેક્સ વસૂલવાને લઇને ઘણી વખત આરોપ લગાવી ચૂકેલા ટ્રમ્પેકહ્યું કે અમેરિકા અને ભારત વચ્ચે શાનદાર ડીલ થઇ શકે છે. પરંતુ ટ્રમ્પે આ અંગે જણાવતાં કહ્યું કે તેઓ ડીલને હાલ ટાળી શકે છે અને જ્યારે પણ આ ડીલ નક્કી કરવામાં આવશે ત્યારે સૌ પહેલા અમેરિકાનું હિત ધ્યાનમાં રાખવામાં આવશે.
આવામાં પ્રધાનમંત્રી નરેન્દ્ર મોદી એકવાર ફરી 'ટફ નિગોશિએટર' બનવું પડશે, જેવું કે ટ્રમ્પ સતત ભારત માટે કહી રહ્યાં છે. ટ્રમ્પ સાથેની ડીલને ભારતના હિત તરફ ઝુકાવવી પીએમ મોદી માટે એક મોટો પડકાર હશે.
અમેરિકાના રાષ્ટ્રપતિ ડોનાલ્ડ ટ્રમ્પે લૉસ વેગાસના એક કાર્યક્રમમાં કહ્યું કે હું ભારત જઇ રહ્યો છુ અને આપણે ત્યાં શાનદાર ડીલ કરી શકીએ છીએ. બની શકે છે અમે હાલમાં આને ટાળી શકીએ છીએ અને ચૂંટણી બાદ કરી શકીએ છીએ. અમે જોઇશું કે શું થાય છે. પરંતુ અમે ત્યારે જ ડીલ કરીશું જ્યારે અમેરિકાના હિતમાં હોય, કારણ કે અમે 'અમેરિકા ફર્સ્ટ' ની નીતિ પર ચાલી રહ્યાં છીએ, પછી તે કોઇને પસંદ હોય કે ન હોય.
ન્યૂક્લિયર ડીલ પર નજર
ટ્રમ્પના આ પ્રવાસ પર ભારત-અમેરિકાની વચ્ચે ન્યૂક્લિયર ડીલ થઇ શકે છે. ભારતને 6 રિએકટર સપ્લાય માટે નવી સમજૂતિ પર હસ્તાક્ષર થઇ શકે છે. જો ટ્રેડ ડીલ નહીં થાય તો ટ્રમ્પની આ મુલાકાત પર અમેરિકાના વેસ્ટિંગહાઇસ અને ભારતના NPCIL વચ્ચે થનાર આ સમજૂતિ કેન્દ્રમાં રહેશે.