કબૂતરોને દાણા ખવડાવવાનું ઘણું ધાર્મિક મહત્વ છે પરંતુ આવું કરવું ખતરાથી ખાલી નથી તેવી ડોક્ટરોની ચેતવણી છે. મુંબઈના કૂર્લામાં એમબીબીએસ ડોક્ટર શરદ કેટકરે એવું કહ્યું કે કબૂતરો શ્વાસના રોગો ફેલાવતાં હોય છે. તેની કોઈ ઉપયોગિતા નથી. સિંગાપુર જેવા દેશમાં લોકો જોતાં જ કબૂતરોને મારી નાખે છે. કબૂતરોને કારણે અસ્થમાના રોગમાં વધારો થઈ રહ્યો છે.
આપણે કબૂતરોને પંગુ બનાવી દીધાં
તેમણે કહ્યું કે કેટલીક ધાર્મિક માન્યતાઓને કારણે કબૂતરોને ચણ (દાણા) ખવડાવવામાં આવે છે પરંતુ તેનાથી હેલ્થને ઘણું જોખમ છે. કબૂતરોને કારણે પુખ્ત વયના લોકો અને બાળકોને અસર થાય છે. ફૂગના ચેપથી લઈને ફાઈબ્રોટિક ફેફસાના રોગો સુધી, તે અસ્થમા અને એલર્જિક નાસિકા પ્રદાહ ધરાવતા લોકો માટે પણ જોખમ ઊભું કરે છે. આદર્શ રીતે કબૂતરો તેમના ખોરાકની શોધ જાતે કરી લેતાં હોય છે પરંતુ સરળતાથી ઉપલબ્ધ ખોરાકને કારણે કબૂતરો બેઠું ભોજન મળી રહ્યું છે તેથી તેઓ આળસું બની રહ્યાં છે.
કબૂતરોને છત પણ દાણા ન નાખવા જોઈએ
જ્યોતિષ શાસ્ત્ર મુજબ, રાહુનો સંબંધ છત સાથે જણાવવામાં આવ્યો છે. તો બુધ ગ્રહના ઉપાય તરીકે કબૂતરોને દાણા ખવડાવવામાં આવે છે. પરંતુ જ્યારે કોઈ માણસની કુંડળીમાં રાહુ અને બુધનો મેળ થાય છે તો આવા લોકોએ પોતાની છત પર કબૂતરને દાણા ના નાખવા જોઈએ. જેનાથી માનસિક સ્થિતિ ખરાબ થઇ શકે છે. જ્યારે કબૂતરોને છત પર દાણા નાખવામાં આવે છે તો કબૂતર છત ગંદી કરી નાખે છે.
ધર્મમાં શું મહત્વ
જ્યોતિષ શાસ્ત્ર મુજબ, કબૂતરોને દાણા નાખવાથી ભગવાન પ્રસન્ન થાય છે. ઘરમાં કબૂતરોને દાણા ખવડાવવાથી ઘરની નકારાત્મક ઉર્જા બહાર જતી રહે છે અને સુખ-શાંતિ રહે છે. જેનાથી માં લક્ષ્મી પ્રસન્ન થાય છે અને માણસને ધનલાભ થાય છે.
