મહામંથન / એક સરખી સારવારના હોસ્પિટલોમાં કેમ અલગ અલગ દર? ખાનગી હોસ્પિટલોની ઉઘાડી લૂંટ સામે સરકારનું નિયંત્રણ શું?

• હોસ્પિટલ સંચાલકોની ઉઘાડી લૂંટ પર લગામ ક્યારે?
• તમામ હોસ્પિટલના ભાવ થશે નક્કી?
• MLAએ ઉઠાવેલા મુદ્દા પર સરકાર કરશે કામગીરી?
• ખાનગી હોસ્પિટલના ભાવ ક્યારે થશે નક્કી?
• એક સરખી સારવારના હોસ્પિટલોમાં કેમ અલગ અલગ દર?
• ખાનગી હોસ્પિટલ પર સરકાર લગાવશે નિયંત્રણ?

બાયડથી અપક્ષ ધારાસભ્ય ધવલસિંહ ઝાલાની એક રજૂઆત ઉડીને આંખે વળગે તેવી હતી. મૂળ મુદ્દો એ હતો કે જે રીતે સરકારે ખાનગી સ્કૂલમાં ફી માટે FRC બનાવી છે તેવી રીતે ખાનગી હોસ્પિટલમાં ઈલાજના ભાવ નક્કી કરે.કોઈ કમિટી બનાવવામાં આવે જે ખાનગી હોસ્પિટલમાં ઈલાજના ભાવ નક્કી કરે. ખાનગી હોસ્પિટલ સામે કોરોનાકાળમાં પણ મનફાવે તેમ ભાવ વસૂલવાના અનેક કિસ્સા સામે આવ્યા હતા જે જગજાહેર છે. રજૂઆત પાછળનો તર્ક એ છે કે કોઈ એક ઓપરેશન છે જેની એકસરખી જ પદ્ધતિ છે તો એક ખાનગી હોસ્પિટલમાં તેનો ભાવ 5 લાખ જયારે બીજી ખાનગી હોસ્પિટલમાં તેનો ભાવ 15 લાખ થઈ જાય આવુ કેમ બને. આ તમામ રકમ એવી છે કે જે સામાન્ય વર્ગ કે મધ્યમવર્ગના વ્યક્તિને સરકારી યોજનાના કાર્ડ વગર પોષાય તેમ પણ નથી. આ બાબતે ખાનગી હોસ્પિટલના ગલ્લા-તલ્લા બહુ જાણીતા બની ચુક્યા છે.. આવા સમયે સરકાર પાસે એવો કોઈ રોડમેપ છે કે જે ખાનગી હોસ્પિટલના અનિયંત્રિત ભાવ ઉપર નિયંત્રણ રાખી શકે.

• અપક્ષ ધારાસભ્ય ધવલસિંહ ઝાલાએ હોસ્પિટલમાં ફી નિર્ધારણ અંગે મુદ્દો ઉઠાવ્યો
• ખાનગી હોસ્પિટલમાં ઈલાજના ભાવ અંગે કોઈ નિયંત્રણ નથી
• દરેક ઈલાજ માટે ભાવ સુનિશ્ચિત કરવાની માંગ
• હૃદયના ઓપરેશનના એક હોસ્પિટલમાં રૂપિયા 5 લાખ હોય છે
• અન્ય મોટી હોસ્પિટલમાં દાખલ થવાય તો એ જ ઓપરેશનનું બિલ 15 લાખ રૂપિયા આવે

અપક્ષ ધારાસભ્ય ધવલસિંહ ઝાલાએ હોસ્પિટલમાં ફી નિર્ધારણ અંગે મુદ્દો ઉઠાવ્યો છે.  ખાનગી હોસ્પિટલમાં ઈલાજના ભાવ અંગે કોઈ નિયંત્રણ નથી. દરેક ઈલાજ માટે ભાવ સુનિશ્ચિત કરવાની માંગ. હૃદયના ઓપરેશનના એક હોસ્પિટલમાં રૂપિયા 5 લાખ હોય છે. અન્ય મોટી હોસ્પિટલમાં દાખલ થવાય તો એ જ ઓપરેશનનું બિલ 15 લાખ રૂપિયા આવે છે.  શાળાની જેમ હોસ્પિટલમાં પણ ફી નિર્ધારણ થાય તેવી માંગ. મોટી હોસ્પિટલ સુવિધાના નામે વધુ રૂપિયા લે છે. જો યોગ્ય ભાવ નક્કી કરવામાં આવે તો ગરીબ દર્દીને પણ સારી સારવાર મળી રહે.

• નિયમના અભાવે સારવાર-ઓપરેશનના અલગ અલગ ભાવ
• હોસ્પિટલના રૂમોના મનફાવતા ભાવ
• 1 હજારથી લઇને 10 હજાર સુધી રૂમનું ભાડું
• હોસ્પિટલની લેબોરેટરીનો ચાર્જ 
• હોસ્પિટલથી અપાતા સાધનોની કિંમત 
• MRI,સોનોગ્રાફી અને એક્સરેના ભાવોમાં પણ ફેરફાર

હોસ્પિટલમાં દર્દી ક્યા લૂંટાય છે?
નિયમના અભાવે સારવાર-ઓપરેશનના અલગ અલગ ભાવ હોય છે.  હોસ્પિટલના રૂમોના મનફાવતા ભાવ જેનું ભાડું 1 હજારથી લઇને 10 હજાર સુધી રૂમનું ભાડું હોય છે.  હોસ્પિટલની લેબોરેટરીનો ચાર્જ તેમજ હોસ્પિટલથી અપાતા સાધનોની કિંમત, MRI,સોનોગ્રાફી અને એક્સરેના ભાવોમાં પણ ફેરફાર જોવા મળે છે.  સારવાર અને ઓપરેશનના ભાવમાં ખુબ અસામનતા હોય છે.  હોસ્પિટલમાં જ અથવા ચોક્કસ જગ્યાએ જ રિપોર્ટ કરાવવાનો આગ્રહ કરવાનો છે.  તેમજ જે સાધનો-દવા હોસ્પિટલને હોલસેલના ભાવે મળે છે તેમાં પણ કમાણી છે. દવા ફરજિયાત હોસ્પિટલમાંથી જ લેવાનો આગ્રહ તેમજ દવામાં નફો રાખીને હોસ્પિટલો કમાણી કરે છે. હોસ્પિટલમાંથી અપાતી દવામાં પણ ડિસ્કાઉન્ટ આપવામાં આવતું નથી.

• ખાનગી હોસ્પિટલમાં ભાવ માટે કોઈ ચોક્કસ માપદંડ નથી
• સરકાર કે ટ્રસ્ટ હોસ્પિટલની જેમ નજીવા દરે કોઈ સારવાર નથી થતી
• સામાન્ય ઓપરેશનનું બિલ પણ 1 લાખ રૂપિયાથી વધુ માનીને ચાલવું પડે છે
• સુપર સ્પેશિયાલીસ્ટ તબીબનો વિઝીટ ચાર્જ પોષાય તેવો હોતો નથી
• ખાનગી હોસ્પિટલમાં ICUનો ચાર્જ સરેરાશ 5 હજારથી ઉપર જ હોય છે
• જો વેન્ટીલેટર સપોર્ટ હોય તો તેનો ચાર્જ અલગ થાય છે
• સરકારી યોજનાના કાર્ડ ચલાવવામાં પણ કેટલીક હોસ્પિટલ ગલ્લાં-તલ્લાં કરે છે
• ખાનગી હોસ્પિટલના ભાવ સામાન્ય આવક ધરાવતા દર્દીની પહોંચ બહાર હોય છે

 ખાનગી હોસ્પિટલમાં ભાવ નિશ્ચિત કરવો કેમ જરૂરી?
ખાનગી હોસ્પિટલમાં ભાવ માટે કોઈ ચોક્કસ માપદંડ નથી સરકાર કે ટ્રસ્ટ હોસ્પિટલની જેમ નજીવા દરે કોઈ સારવાર થતી નથી. સામાન્ય ઓપરેશનનું બિલ પણ 1 લાખ રૂપિયાથી વધુ માનીને ચાલવું પડે છે. તો સુપર સ્પેશિયાલીસ્ટ તબીબનો વિઝીટ ચાર્જ પોષાય તેવો હોતો નથી. ખાનગી હોસ્પિટલમાં ICUનો ચાર્જ સરેરાશ 5 હજારથી ઉપર જ હોય છે. જો વેન્ટીલેટર સપોર્ટ હોય તો તેનો ચાર્જ અલગ થાય છે. ત્યારે સરકારી યોજનાના કાર્ડ ચલાવવામાં પણ કેટલીક હોસ્પિટલ ગલ્લાં-તલ્લાં કરે છે. ખાનગી હોસ્પિટલના ભાવ સામાન્ય આવક ધરાવતા દર્દીની પહોંચ બહાર હોય છે.

• મસમોટી ફીને લઈને ખાનગી હોસ્પિટલ વારંવાર ચર્ચામાં રહે છે
• તગડી ફી લઈને ઈલાજમાં દર્દીના પરિવારજનોને અસંતોષ રહ્યાના અનેક કિસ્સા
• મોટી હોસ્પિટલ પોતાના જ ઈનહાઉસ મેડિકલ સ્ટોરમાંથી દવા લેવાનો આગ્રહ રાખે છે
• સર્જિકલ સાધનો પણ પોતાના જ ઈનહાઉસ સ્ટોરમાંથી લેવાનો આગ્રહ રાખે છે
• જે દવાઓ પ્રિસ્ક્રાઈબ હોય છે તે જ દવા જેનેરીક સ્ટોરમાં રાહત દરે ઉપલબ્ધ હોય છે
• ઘણી વાર દર્દીને જે દવા કે સર્જિકલ આઈટમની જરૂરિયાત નથી તે લાવવાનું કહેવાય છે
• સારવારના રૂપિયા જમા કરાવવાના મુદ્દે પણ બબાલના અનેક કિસ્સા સામે આવ્યા છે

ખાનગી હોસ્પિટલ સામે સવાલ કેમ?
મસમોટી ફીને લઈને ખાનગી હોસ્પિટલ વારંવાર ચર્ચામાં રહે છે. તગડી ફી લઈને ઈલાજમાં દર્દીના પરિવારજનોને અસંતોષ રહ્યાના અનેક કિસ્સાઓ પ્રકાશમાં આવ્યા છે.  મોટી હોસ્પિટલ પોતાના જ ઈનહાઉસ મેડિકલ સ્ટોરમાંથી દવા લેવાનો આગ્રહ રાખે છે. સર્જિકલ સાધનો પણ પોતાના જ ઈનહાઉસ સ્ટોરમાંથી લેવાનો આગ્રહ રાખે છે. જે દવાઓ પ્રિસ્ક્રાઈબ હોય છે તે જ દવા જેનેરીક સ્ટોરમાં રાહત દરે ઉપલબ્ધ હોય છે. ઘણી વાર દર્દીને જે દવા કે સર્જિકલ આઈટમની જરૂરિયાત નથી તે લાવવાનું કહેવાય છે. સારવારના રૂપિયા જમા કરાવવાના મુદ્દે પણ બબાલના અનેક કિસ્સા સામે આવ્યા છે.