વેલેન્ટાઇન વીક ચાલી રહ્યો છે ત્યારે ટેડી ડેને લઇને તમે તમારા પાર્ટનરને જે ટેડી આપો તેનો રંગ કેવો છે તે પણ મહત્વનુ છે.
વેલેન્ટાઇન વીકમાં આજે ટેડી ડે
છોકરીઓને ટેડી બેર હોય છે ફેવરિટ
ખાસ રંગના ટેડી બેર કરો પસંદ
વેલેન્ટાઇન વીક ચાલી રહ્યો છે. અને આજે છે ટેડી ડે. ટેડી ડે એટલે કે ટેડીબેઅર આપણે આપણા લવ્ડ વનને ગિફ્ટ કરીએ છીએ પરંતુ તેની પાછળ એક મેસેજ પણ છૂપાયેલો હોય છે. તમે શું વિચારી રહ્યા છો તે પણ તમારા પ્રિયજન સામે વ્યક્ત કરવુ જરુરી છે.
છોકરીઓને ટેડી બહુ ગમે
છોકરીઓને ટેડી બેર બહુ ગમે. એટલું જ નહીં, ઘણા લોકો ટેડીને 24 કલાક પોતાની સાથે રાખે છે. કેટલીક છોકરીઓમાં ટેડીનો એટલો ક્રેઝ હોય છે કે તેમનો આખો રૂમ ટેડી બેરથી શણગારવામાં આવે છે. આટલું જ નહીં, કેટલાક તેના પલંગ પર ટેડી રાખીને અથવા તેને પકડીને સૂઈ જાય છે. કેટલાક લોકો પણ ટેડી વગર સૂઈ શકતા નથી. તો ટેડી આપવાનો એક ઉદ્દેશ એ પણ હોઇ શકે કે જ્યારે આપણુ પ્રિય પાત્ર આપણી સાથે ન હોય ત્યારે આપણે તેણે આપણે ટેડીને સાથે રાખીને તેની કમી મહેસૂસ ન થવા દે. વળી ટેડી હોય છે પણ એટલા ક્યૂટ અને સ્વીટ કે છોકરીઓનું દિલ ટેડી પર આવી જ જાય છે.
ટેડી ડે શા માટે ઉજવવામાં આવે છે?
ટેડી ડે ઉજવવામાં એટલે પણ આવે છે કારણ કે ટેડી બેર એ બાળપણ દર્શાવે છે. આપણે નાના હોઇએ ત્યારે આવા ટેડીથી બહુ રમતા હોઇએ. ત્યારે આ સમયે પણ ટેડી બેર આપીને આપણે તે વ્યક્તિને તેનુ બાળપણ યાદ કરાવીએ છીએ. બાળપણની યાદો ફરી એકવાર તાજી થઇ જાય છે . જીવનસાથી પોતાના બાળપણની યાદોથી ઉત્સાહિત થાય છે.
મિત્રો સાથે પણ ઉજવાય ટેડી ડે
એવું નથી કે ટેડી ડે ફક્ત કપલ્સ માટે જ છે, પરંતુ આ દિવસ આપણે આપણા મિત્રો સાથે પણ ઉજવી શકીએ છીએ.આ માટે જરૂરી છે કે આપણે ટેડીને તેના રંગ પ્રમાણે પસંદ કરીએ.
છોકરીઓને આ 3 રંગીન ટેડી બહુ ગમે
જો તમારી મહિલા પાર્ટનરને પણ ટેડી ડે ઉજવવાનું પસંદ હોય તો તમારે ટેડી ખૂબ જ ધ્યાનથી ખરીદવી જોઈએ, કારણ કે ટેડીની સાઇઝ કેટલી છે તે નહી પરંતુ ટેડીનો રંગ કેવો છે તે ખાસ ધ્યાન રાખવું જોઇએ. ત્યારે જાણીએ કયા કલરના ટેડી છોકરીઓને બહુ ગમે.
1. રેડ ટેડી
લાલ રંગને હંમેશા પ્રેમનું પ્રતિક માનવામાં આવે છે. આ રંગ જણાવે છે કે તમે તમારા પાર્ટનરને ખૂબ પ્રેમ કરો છો અને તેનાથી દૂર રહી શકતા નથી. આ ભાવના હોય તો તમે તે વ્યક્તિને લાલ રંગનું ટેડી આપી શકો છો
2. ગુલાબી ટેડી
છોકરીઓને પિંક ટેડી ખૂબ ગમે છે. ગુલાબી રંગને પણ પ્રેમથી ભરેલો માનવામાં આવે છે, આ રંગ તમારા જીવનમાં રોમાંસ અને પ્રેમ ભરી દે છે. જો કે પિન્ક કલરમાં પણ ઘણા બધા શેડ હોય છે ત્યારે તમારા પાર્ટનરની પસંદગીને ધ્યાને રાખીને તમે પિંક ટેડી આપી શકો છો.
3. વ્હાઇટ ટેડી
વ્હાઇટ ટેડી હંમેશા સત્યનું પ્રતીક માનવામાં આવે છે. આ રંગના ટેડી આપણે આપણા પ્રિયજન કે મિત્રને પણ આપી શકીએ છીએ. સફેદ રંગ એ શાંતિનું પ્રતિક છે. આ રંગ દર્શાવે છે કે તમારો સંબંધ કેટલો અતૂટ અને સાચો છે. એટલે વ્હાઇટ રંગનું ટેડી આપીને તમે તમારી લાગણીને વ્યક્ત કરી શકો છો. આ એવો રંગ છે જે દરેક છોકરીઓને ગમે છે.