ખુશ ખબર / WhatsAppએ લોન્ચ કર્યા નવા અફલાતૂન ફીચર્સ, યુઝર્સને પડી ગયો જલસો

• વોટ્સએપે લોન્ચ કર્યા નવા ફીચર્સ 
• 2013માં કરી હતી વોઈસ મેસેજિંગની શરૂઆત 
• દુનિયાભરમાં યુઝર્સ રોજ 7 બિલિયન વોઈસ મેસેજ મોકલે છે 

વોટ્સએપે લોન્ચ કર્યા નવા ફીચર્સ 

ઈંસ્ટંટ મેસેન્જર એપ વોટ્સએપ પોતાના યૂઝર્સ માટે સતત નવા નવા ફીચર્સ લોન્ચ કરતુ રહે છે અને જુના ફીચર્સને અપડેટ કરતુ રહે છે, જેથી યુઝર્સ ચેટિંગ મેસેજિંગનો એક નવો અનુભવ કરી શકે. વોટ્સએપનાં નવા અપડેટમાં ઘણા નવા ફીચર્સ લોન્ચ કરવામાં આવ્યા છે. 

વોટ્સએપે વોઈસ મેસેજિંગ માટે ઘણા નવા ફીચર સ્શરૂ કર્યા છે. આ નવા ફીચર્સથી યુઝર્સનો વોઈસ નોટ્સ મોકલવા અને રીસીવ કરવાનો અનુભવ પહેલા કરતા ઘણો સુધરશે. વોટ્સએપે વોઈસ મેસેજ માટે 6 નવા વિઝ્યુલાઈઝેશન, ડ્રાફ્ટ પ્રિવ્યૂ, રીમેમ્બર પ્લેબેક અને ફાસ્ટ પ્લેબેક સામેલ કર્યા છે. 

આ ફીચર્સમાં શું છે ખાસ?
વોટ્સએપે જણાવ્યું છે કે એન્ડ્રોઇડની સાથે સાથે IOS યુઝર્સ પણ વોઈસ મેસેજને પોઝ અને રિઝયુમ કરી શકશે. સાથે જ વોઈસ રેકોર્ડિંગ મોકલતા પહેલા તે ડ્રાફ્ટ કરી શકાશે અને ચેટની બહાર પણ પ્લે કરી શકાય છે. યુઝર્સ વોઈસ મેસેજને રેગ્યુલર સ્પીડથી 1.5 અથવા 2 ગણી ઝડપથી ચલાવી શકશે. 

વોટ્સએપ અનુસાર, દુનિયાભરમાં યુઝર્સ રોજ 7 બિલિયન વોઈસ મેસેજ મોકલે છે. જણાવી દઈએ કે વોટ્સએપે વર્ષ 2013માં પહેલી વાર વોઈસ મેસેજિંગ સર્વિસ શરુ કરી હતી. 

નવા ફીચર્સ છે શાનદાર 
વોટ્સએપનાં રીમેમ્બર પ્લેબેક અને ફાસ્ટ પ્લેબેક ઓન ફોરવર્ડ મેસેજ ફીચરમાં તમે મેસેજ સાંભળતા સમયે તેને વચ્ચે જ રોકી શકો છો અને પછી તે જ જગ્યાએથી સાંભળવાનું શરુ પણ કરી શકો છો. રેકોર્ડિંગ માટે ફરી તૈયાર થવા પર મેસેજને ત્યાંથી જ રેકોર્ડ કરી શકાશે. ફાસ્ટ પ્લેબેક ઓન ફોરવર્ડેડ મેસેજ ફીચરમાં યુઝર્સને 1.5 અને 2 ગણી સ્પીડ પર વોઈસ મેસેજ પ્લે કરવાની સુવિધા મળશે. રેગ્યુલરની સાથે સાથે ફોરવર્ડ મેસેજને પણ ઝડપથી સાંભળી શકાશે. 

વોટ્સએપ આઉટ ઓફ ચેટ પ્લેબેક ફીચરની મદદથી યુઝર વોઈસ મેસેજ ચેટ બહાર પણ સાંભળી શકશે. તમે વોઈસ મેસેજ સાંભળતા સાંભળતા ફોનમાં અન્ય કામ પણ કરી શકશો. 

'રીમેમ્બેર પ્લેબેક' ફીચરની મદદથી યુઝર વોઈસ મેસેજ સાંભળતા સમયે જો અટકી જાય છે, તો ચેટમાં પાછા ફર્યા બાદ મેસેજ ત્યાંથી જ સાંભળી શકાય છે, જ્યાં તે અટકી ગયો હતો. 

વેવફોર્મ વિઝ્યુલાઈઝેશન અને ડ્રાફ્ટ પ્રિવ્યૂ ફીચરની મદદથી તમે સાઉન્ડનું વિઝ્યુઅલ રિપ્રેઝન્ટેશન પણ જોઈ શકશો, જેથી યુઝર્સને રેકોર્ડિંગમાં ઘણી મદદ મળશે.