જાહેરાત / WhatsApp એ કર્યા મોટા એલાન, મેસેજથી લઈને ફાઇલ ટ્રાન્સફરમાં જુઓ કેટલા બદલાવ થશે

• વોટ્સએપ પર ઘણુ બધુ બદલાશે
• વોટ્સએપે નવા ફીચર્સની યાદી જાહેર કરી દીધી
• વોટ્સએપ પર કોમ્યુનિટીસનું અલગ ટેબ મળશે

આવા અમુક ફીચર્સ વોટ્સએપે તેના પ્લેટફોર્મ પર લાવવાની જાહેરાત કરી છે. ઈન્સ્ટન્ટ મેસેજિંગ પ્લેટફોર્મ વોટ્સએપે નવા ફીચર્સની યાદી જાહેર કરી દીધી છે. નવા ફીચર્સની માહિતી વોટ્સએપે તેના બ્લોગમાં આપી છે. વોટ્સએપ પર કોમ્યુનિટીસનું અલગ ટેબ મળશે. આ ટેબમાં યુઝર્સના બધા અલગ-અલગ  ગ્રુપ્સ એક અમ્બ્રેલાની નીચે આવી જશે. આ રીતે લોકો આખી કોમ્યુનિટીને મોકલવામાં આવેલા અપડેટ્સને સરળતાથી પ્રાપ્ત કરી શકે છે. કોમ્યુનિટીઝમાં એડમિનને ઘણા બધા ટૂલ્સ મળશે. જેમાં યુઝર્સને એનાઉન્સમેન્ટનું મેસેજ ફીચર મળશે. જે બધાને મોકલી શકાશે. 

રિએક્શન 

વોટ્સએપ યુઝર્સને ઈમોજી રિએક્શનનું ફીચર મળવાનુ છે. આ ફીચર અત્યારે રોલઆઉટ થયુ નથી. પરંતુ આગામી દિવસોમાં મળી જશે. આ ફીચરની મદદથી યુઝર્સને કોઈ મેસેજ પર રિપ્લાય કરવા માટે મેસેજની જરૂર પડશે નહીં. પરંતુ તે આવા મેસેજ પર પ્રતિક્રિયા આપી શકશે. 

એડમિન ડિલીટ

ગ્રુપ એડમિનને હવે પહેલાથી વધુ કંટ્રોલ મળશે. જેના કારણે એડમિન કોઈ પ્રોબ્લમેટિક મેસેજને બધા ચેટ્સથી ડિલીટ કરી શકે છે. 

ફાઈલ શેરિંગ

વોટ્સએપ પર અત્યાર સુધી 25MB સુધીની ફાઈલ શેર થતી હતી. જેને હવે વધારીને 2GB  સુધી કરી દેવામાં આવશે. એટલેકે 2GB સુધીની ફાઈલ શેર કરી શકશો.