સ્વાગત શ્રીરામનું / VTV સ્પેશ્યલ: આ જ સ્થળ પર શ્રીરામે પૃથ્વી છોડી અને વૈકુંઠ ગયા, મહાપુરાણોમાં પણ છે ઉલ્લેખ

• રામાયણએ ભારતવર્ષની એક આગવી ઓળખાણ છે
• આર્યવર્તી ભગવાન શ્રી રામની કર્મભૂમિ રહી છે
• એક પાવન સ્થાનોમાંનુ એક સ્થાન છે સરયુ નદી

 મર્યાદા પુરૂષોત્તમ પ્રભુ શ્રી રામ જળસમાધિ લઈ પોતાના વૈકુંઠ પ્રસ્થાન થયા હતા. આ સ્થાન આજે ગુપ્તાર ઘાટ કહેવાય છે.  ગુપ્તાર ઘાટ અયોધ્યાથી થોડી દૂરી પર ફૈઝાબાદમાં સરયુ નદીના કિનારે આવેલું એક ધાર્મિક સ્થળ છે. ગુપ્તારનો અર્થ છે જ્યાં પ્રભુ શ્રીરામ જળમગ્ન થઇને ગુપ્ત થઇ ગયા હતા. આ ધાર્મિક સ્થાન પાસે આવેલ ઘાટ પર બેસીને અદભૂત શાંતિનો અહેસાસ થાય છે. અહીં નદીને અડીન પસાર થતી હવાઓમાં ભગવાન શ્રી રામનો એટલો તો પ્રભાવ અનુભવાય છે કે તે તમારા મનને શાંત કરી દે છે. 

આ ઘાટનું નવનિર્માણ 19મી સદીમાં રાજા દર્શનસિંહે કરાવ્યું હતું
હિંદુ ધર્મંમાં આ ઘાટને ખૂબ જ પવિત્ર માનવામાં આવે છે કારણકે રામાયણના વર્ણનને મુજબ આ ઘાટની એવી માન્યતા છે કે ભગવાન શ્રી રામે પૃથ્વી છોડતા આ જ સ્થળે જળસમાધિ લીધી હતી અને પોતાના મૂળ સ્વરૂપ વિષ્ણુના વૈકુંઠ ચાલ્યા ગયા હતા. આ ઘાટનું નવનિર્માણ 19મી સદીમાં રાજા દર્શનસિંહે કરાવ્યું હતું. આ ઘાટ પર રામ જાનકી મંદિર, ચરણ પાદુકા મંદિર, નરસિંહા મંદિર અને હનુમાન મંદિર સ્થીત છે. અહીં પ્રભુ શ્રી રામ  ખાલી હાથ, ખુલ્લા પગ, અસ્ત્ર શસ્ત્રનો ત્યાગ કરીને રેશમી વસ્ત્ર ધારણ કરીને જળમગ્ન થયા હતા અને એ જ સ્વરૂપમાં તેમની મૂર્તિ પણ જોવા મળે છે. 

વધુ વાંચોઃ VIDEO: અંદરથી કેટલું સુંદર દેખાય છે અયોધ્યાનું રામ મંદિર? દિવ્યતા જોઈને આંખો અંજાઈ જશે

આ પાવન નદીમાં સ્નાન કરવાથી પ્રભુ શ્રી રામના ચરણોમાં સ્થાન પ્રાપ્ત થાય છે
અહીં ભલે પત્થરોના ઘાટ બની ગયા હોય પણ અહીં આ એજ માટી છે. જ્યાં પ્રભુ શ્રી રામના ચરણે પડ્યા હતા અને તેમની એજ ચરણ રજ અહીં આવનાર તમામ શ્રધ્ધાળુઓનો ઉધ્ધાર કરે છે. એવી માન્યતા છે કે આ પાવન નદીમાં સ્નાન કરવા માત્રથી ભક્તોને વૈકુઠમાં પ્રભુ શ્રી રામના ચરણોમાં સ્થાન પ્રાપ્ત થાય છે.  મહાપુરાણ વિષ્ણુસ્કંદમાં ઉલ્લેખ છે ભગવાન શ્રી રામે શરદ પૂર્ણિમાના દિવસે જ વૈકુંઠ ગયા હતા. અહીંની શીતળ હવા એજ છે જેણે અહીં જળમગ્ન થતા શ્રી રામના ચંદ્રમા જેવા મુખને સ્પર્શ કર્યો હતો.