ક્રિકેટ / આ હાથોએ હથિયાર મૂક્યાં છે, ચલાવવાનું ભૂલ્યાં નથી : સેહવાગ

• કોરોના વાયરસે સમગ્ર દુનિયામાં મચાવ્યો હાહાકાર
• ત્યારે વિરેન્દ્ર સેહવાગ એક વીડિયો પોસ્ટ કર્યો
• દેશવાસીઓને આ ચેપથી બચવા સંદેશ આપ્યો

હકીકતમાં વીરુએ સોશિયલ મીડિયા પર પોતાનો એક વીડિયો શેર કર્યો છે અને લોકોને પોતાના ઘરે રહેવાની અને ક્યાંય બહાર ન જવાની અપીલ કરી છે. સેહવાગે તેનો વીડિયો ટ્વિટર પર શેર કર્યો છે અને તેના કેપ્શનમાં લખ્યું છે કે, 'આ હાથોએ હથિયાર મૂક્યાં છે, ચલાવવાનું ભૂલ્યાં નથી. તમારું ટેલેન્ડ ક્યાંય નહીં જાય, તેથી કૃપા કરીને ક્યાંય બહાર ન નીકળો.

In Haathon Ne Sirf Hathyaar Choodein Hain, Chalana Nahi Bhoolein.

Your talent isn't going anywhere. So please #StayHomeStaySafe pic.twitter.com/DA0X3iB9RF

— Virender Sehwag (@virendersehwag) April 7, 2020

આ વીડિયોમાં વીરેન્દ્ર સેહવાગ હાથમાં બેટ લઈને શોટ મારતો જોવા મળી રહ્યો છે. જ્યારે ટ્વીટમાં તેણે જે ડાયલોગનો ઉલ્લેખ કર્યો તે સુલતાન ફિલ્મનો છે. સેહવાગે પોતાની રીતે લોકોને સમજાવવાનો પ્રયત્ન કર્યો કે ઘરે બેસવાથી ટેલેન્ટ ઓછું નહીં થાય. તેથી ઘરે રહો, સલામત રહો.

તમને જણાવી દઈએ કે, ભારતમાં કોરોના વાયરસના દર્દીઓની સંખ્યા સતત વધી રહી છે. ભારતમાં અત્યાર સુધીમાં 4400થી વધુ લોકોને કોરોના વાયરસનો ચેપ લાગ્યો છે. ભારતમાં કોરોના વાયરસથી પોતાનો જીવ ગુમાવનારા લોકોની સંખ્યા 110ને પાર જતી રહી છે.