- વિરાટ કોહલી અને અનુષ્કા શર્મા બન્યાં કોમનમેન
- મુંબઈમાં સ્કૂટી લઈને નીકળ્યાં પડ્યાં રસ્તા પર
- ચહેરો છૂપાવવા બન્નેએ પહેર્યું હેલ્મેટ
માણસ ગમે તેટલો મોટો માણસ બને પરંતુ ક્યારેક ને ક્યારેક તેને નાનો થવાની અને સામન્ય લોકોની જેમ કંઈક કરવાની ઈચ્છા થતી હોય છે. ક્રિકેટર વિરાટ કોહલીએ પણ શનિવારે આવું જ એક કામ કર્યું છે જેની તસવીર વાયરલ થઈ છે. વિરાટ કોહલી હાલ આંતરરાષ્ટ્રીય ક્રિકેટમાંથી બ્રેક લઈને પરિવાર સાથે સમય પસાર કરી રહ્યો છે. આ દરમિયાન શનિવારે વિરાટ પત્ની અનુષ્કા શર્મા સાથે મુંબઈમાં ફરવા માટે નીકળ્યો હતો પરંતુ તેણે ઓળખ છુપાવી હતી અને તેમણે બન્નેએ હેલ્મેટ પહેરી રાખ્યું હતું તેમ છતાં પણ મીડિયાને મીડિયાને તેની ગંધ આવી ગઈ હતી.
મુંબઈમાં સ્કૂટી લઈને ફરવા નીકળ્યાં કોહલી-અનુષ્કા
શનિવારે કોહલી સ્કૂટી લઈને મુંબઈના રસ્તા પર જોવા મળ્યો હતો. સ્કૂટી પાછળ અનુષ્કા શર્મા બેઠી હતી. જોકે કોઈ ઓળખી ન જાય એટલે બન્નેએ હેલ્મેટનો સહારો લીધો હતો. પરંતુ મોટા માણસ છેલ્લે તો ઓળખાઈ જતા હોય છે, તેમના કિસ્સામાં પણ આવું જ બન્યું અને મીડિયાને ખબર પડી ગઈ હતી કે સ્કૂટી પર હેલ્મેટ પહેરીને બેઠેલા બે વ્યક્તિ વિરાટ કોહલી અને અનુષ્કા શર્મા છે. પછી પછી તો મીડિયાવાળા તેમની પાછળ પડી ગયા હતા.
સ્કૂટી હાંકી રહેલા કોહલીનો વીડિયો થયો વાયરલ
સ્કૂટી હાંકી રહેલા વિરાટ કોહલીનો એક વીડિયો સોશિયલ મીડિયા પર વાયરલ થયો હતો. લોકોએ આ વીડિયોને ખૂબ જોયો હતો. કારણ કે કોહલી ખૂબ મોટા પ્રમાણમાં ચાહકો ધરાવે છે. કોહલીનું કોઈ પણ નાનું કે મોટું કામ ચાહકો દ્વારા જોવાતું જ હોય છે.
કોહલી હાલ આરામ પર
ઉલ્લેખનીય છે કે વિરાટ કોહલી હાલ આરામ પર છે. તે એશિયા કપમાં રમવાનો છે તે પહેલા તે ફિટનેશ પર પૂરુ ધ્યાન આપી રહ્યો છે.
