ક્રિકેટ / વિરાટ કોહલીએ મેદાન પર કરી એવી હરકત કે નહીં સુધરે તો થઈ શકે છે સસ્પેન્ડ

• કોહલીની ભૂલ બદલ ICC આકરાપાણીએ
• વારંવાર ભૂલ બદલ થઇ શકે સસ્પેન્ડ

શિસ્તના રેકોર્ડમાં ઉમેરવામાં આવી કોહલીની વધુ એક ભૂલ

ઉલ્લેખનીય છે કે, બેંગલુરુમાં દક્ષિણ આફ્રિકા સામે ટી -20 મેચ દરમિયાન બ્યુરેન હેન્ડ્રિક્સ સાથેની દલીલ દરમિયાન ખોટી રીતે તેના ખભા પર મારવા બદલ તે દોષી સાબિત થયો છે. સપ્ટેમ્બર 2016 માં ICC ના નવા નિયમો અમલમાં આવ્યા પછી આ ત્રીજી વખત છે, જ્યારે કોહલીના રેકોર્ડમાં 'ડીમેરિટ' ઉમેરવામાં આવ્યો હતો.

મેચ દરમિયાન વિરાટે બોલરને બાજુની તરફ કરવાનો કર્યો પ્રયાસ

નોંધનીય છે કે, રવિવારે રમાયેલી મેચમાં ભારત પ્રથમ બેટિંગ કરવા ઉતર્યું હતું અને રોહિત શર્મા 9 રન બનાવીને આઉટ થયો હતો. ત્યારબાદ વિરાટ કોહલી પિચ ગ્રાઉન્ડ પર ઉતર્યો હતો. તેની ઇનિંગ દરમિયાન, વિરાટ કોહલી બ્યુરેન હેન્ડ્રિક્સના બોલ પર દોડી રહ્યો હતો, ત્યારે હેન્ડ્રિક્સ તેના રસ્તામાં આવ્યો હતો. આ સમયે વિરાટે હેન્ડ્રિક્સને ખભાથી ધકેલીને બાજુની તરફ ધકેલવાનો પ્રયાસ કર્યો હતો.

Sunny Days are back! Ah Aaa Ah Aaa 🧐 pic.twitter.com/6ZgwV9P9PG

— Adam Dhoni (@AdamDhoni1) September 23, 2019

ICC દ્વારા આચારસંહિતા અનુસાર લેવલ-1 નો દોષી જાહેર કરાયો 

આપને જણાવી દઇએ કે, કેપ્ટન વિરાટ કોહલીની આ હરકત બાદ, તેને આઈસીસી દ્વારા આચારસંહિતા અનુસાર લેવલ-1 નો દોષી સાબિત જાહેર કર્યો છે. તેને આ મામલે સત્તાવાર રીતે ચેતવણી પણ આપવામાં આવી છે. 

આ સાથે તેને એક નકારાત્મક અંક પણ આપવામાં આવ્યો છે. ભારત અને દક્ષિણ આફ્રિકાએ ત્રણ ટી -20 મેચની શ્રેણીમાં એક-એકથી જીત પ્રાપ્ત કરેલી છે, જ્યારે ધર્મશાળામાં મેચ વરસાદને કારણે ધોવાઈ ગઈ હતી. 

ICC કરી શકે છે સસ્પેન્ડ 

તેમણે દક્ષિણ આફ્રિક વિરૂદ્ધ 15 જાન્યુઆરી 2018 ના રોજ પ્રેટોરિયા ટેસ્ટ દરમિયાન અને 22 જૂન 2019 ના રોજ અફઘાનિસ્તાન સામેની વર્લ્ડ કપ મેચ દરમિયાન 'ડીમેરિટ' સ્કોર મળ્યો હતો. કોહલીને વધુ એક 'ડીમેરિટ' અંક એક ટેસ્ટ અથવા 2 વનડે અથવા 2 T-20 મેચ પર પ્રતિબંધ લાદવામાં આવી શકે છે. મતલબ સ્પષ્ટ છે કે, કોહલીને 15 જાન્યુઆરી 2020 સુધી પોતાના વર્તન સુધારવાનું કહેવામાં આવ્યું છે નહીંતર તેમને ICC સસ્પેન્ડ પણ કરી શકે છે.