VIDEO / નેતા કે અધિકારી નહીં પણ ભેંસ પાસે કરાવ્યું નવા બસ સ્ટોપનું ઉદ્ધાટન, ગામલોકોએ તંત્રને અરીસો બતાવ્યો

• કર્ણાટકના એક ગામથી અજીબોગરીબ કિસ્સો સામે આવ્યો
• ગામલોકોએ ખંડેર થઈ ગયેલા બસ સ્ટેશનને નવું બનાવવા માટે નેતાઓના ખૂબ પગ પકડ્યા
• કોઈએ વાત ન સાંભળી તો જાતે બનાવી દીધું, ભેંસ પાસે ઉદ્ધાટન કરાવ્યું

પહેલા તો ગામના લોકોએ તંત્ર પાસેથી ખૂબ ભાગદોડ કરી તેમ છતાં પણ ચારેતરફથી નિરાશા હાથ લાગી ત્યારે તેમણે સરકારને અરીસો બતાવવાનું નક્કી કરી લીધું. પહેલા તો ગામલોકોએ મળીને બસ સ્ટોપ બનાવી દીધું અને બાદમાં જ્યારે ઉદ્ધાટનનો વારો આવ્યો તો, તેના માટે એક ભેંસ લઈ આવ્યા.

કર્ણાટકના ગડગ જિલ્લાનો કિસ્સો

આ મામલો કર્ણાટકના ગડગ જિલ્લાનો છે. જે બસ સ્ટોપનો ઉલ્લેખ અહીં કરવામાં આવ્યો છે, તે બાલેહોસુર ગામમાં આવેલું છે. આ બસ સ્ટોપ 40 વર્ષ પહેલા બનાવ્યું હતું, પણ લગભગ છેલ્લા 10 વર્ષથી તેની છત તૂટેલી છે. ત્યાર બાદ અહીં ઊભું પણ રહી શકાતુ નથી. ગામ લોકોએ તે રિપેર કરવા માટે અધિકારીઓ અને સાંસદો તથા ધારાસભ્યો બધા પાસે રજૂઆત કરી, પણ કોઈએ વાત કાને ધરી નહીં. 

Villagers from Balehosur village of Gadag Fed up with delay in restoring the bus stand, the villagers themselves built a temporary shelter and made a buffalo inaugurate it instead of a politician. pic.twitter.com/Ke9ZFPiX79

— Vijayakumar (@vijaycam) July 20, 2022

વરસાદમાં ભારે મુશ્કેલી

વરસાદના દિવસોમાં તો અહીં ભારે ભૂંડા હાલ થાય છે. એક તો છત નહીં અને બીજી બાજૂ અહીં ઊભા રહેવુ પણ મુશ્કેલ. આખરે ગામ લોકોએ ફરિયાદ કરીને કરીને થાક્યા અને સૌએ સાથે મળીને ગામનું બસ સ્ટેશન બનાવાનું નક્કી કર્યું.

નેતાઓ અને અધિકારીઓ પાસે ઘણી રજૂઆત કરી, પણ સ્થાનિક પ્રશાસન અને નેતાઓ ઠાલા વચનો આપતા રહ્યા પણ કોઈ ઼ડોકાયુ નહીં. લગભગ બે વર્ષથી ગામલોકો બસ સ્ટોપ બનાવાની માગ લઈને રજૂઆત કરતા રહ્યા. પણ મળ્યું ખાલી આશ્વાસન. જમીન પર કંઈ કામ થયું નહીં.

કચરાપેટી બની ગયું બસ સ્ટોપ

ગામમાંથી ઘણા બધા વિદ્યાર્થીઓ ભણવા માટે અપડાઉન કરતા હોય બસ સ્ટોપની તાતી જરૂર હતી. ઘણા બધા લોકો શહેરમાં નોકરી માટે પણ અપડાઉન કરતા, જો કે, સારુ બસ સ્ટોપ ન હોવાના કારણે આ તમામ લોકો ખૂબ પરેશાન થતાં હતા.

ગામલોકોએ જાતે કર્યો નિર્ણય

જો કે, આ બધાથી કંટાળેલા ગામલોકોએ એક વાર નિર્ણય કર્યો અને કોઈ અધિકારી કે નેતા પાસે જશે નહીં, ગામલોકોએ ફાળો ઉઘરાવીને પૈસા ભેગા કર્યા, બાદમાં આ રૂપિયાથી નવું બસ સ્ટોપ બનાવી દીધું. એટલુ જ નહીં ગામલોકોએ તેનું ઉદ્ધાટન પણ કર્યું અને તેમાં કોઈ નેતા કે અધિકારીને બોલાવ્યા નહીં પણ એક ભેંસના હાથે તેનું ઉદ્ધાટન કરાવ્યું.