ડિજીટલ પેમેન્ટ કંપની Paytmને ચલાવનારી ફિનટેક સ્ટાર્ટઅપ કંપની one97 communication ltdના IPO હેઠળ શૅર્સની નિરાશાજનક લિસ્ટીંગ થઇ છે. તેમ છતાં તે સૌથી મોટો IPO સાબિત થયો છે. ત્યારે કંપનીના ફાઉન્ડર અને CEO વિજય શેખર રડી પડ્યા.
વિજય શેખર શર્મા લિસ્ટીંગ દરમિયાન રડી પડ્યા
રાષ્ટ્રગાનની આ લાઇન કરી દે છે ભાવૂક
દેશનો સૌથી મોટો IPO
મહત્વનું છે કે ગુરુવારે BSE પર પેટીએમના શૅર્સ 1995 રૂપિયા પર અને નેશનલ સ્ટોક એક્સચેન્જ પર 1950 રૂપિયા પર લિસ્ટ થયા હતા. સવારે 10 વાગ્યાની આસપાસ શેર તૂટતા 1777.50 રૂપિયા સુધી પહોંચી ગયા હતા અને એનએસઇ પર 1776 રૂપિયા સુધી પહોંચ્યા હતા.
શર્માએ શું કહ્યું ?
લિસ્ટિંગ સેરેમનીની પોતાની સ્પીચની શરૂઆતમાં જ વિજય શેખર શર્મા ભાવૂક થઇ ગયા હતા. પોતાની આંખોમાંથી આંસુ લૂછતાં તેણે કહ્યું કે, જ્યારે પણ રાષ્ટ્રગાન વાગે છે તો તેની એક લાઇન ભારત ભાગ્ય વિધાના સાંભળીને મારી આંખોમાં આંસુ આવી જાય છે. આજે પણ મારી સાથે તેવું જ થયું હતું. આ ભારત ભાગ્ય વિધાતા શબ્દ ખબર નહી કેમ પણ મારા જીવનમાં એ રીતે જોડાયું છે કે સાંભળતાં જ આંસુ આવી જાય છે.
વધુમાં તેમણે કહ્યું કે, આજ એક એવો દિવસ છે જ્યારે યુવાન ભારતના સપના મારી સાથે પૂરા થઇ રહ્યાં છે. એક એવો દિવસ જેના પર લોકો ભરોસો નહોતા કરી રહ્યાં, કોઇ વિચારી શકતું નહોતું પરંતુ આજે અમે દેશનો સૌથી મોટો IPO છીએ.
નાના ગામમાંથી આવ્યા હતા વિજય શેખર
Paytmની સ્થાપના વિજય શેખરે જ કરી હતી અને તેના શેર્સની લિસ્ટીંગ ભલે નિરાશાજનક હોય પરંતુ તેમની સ્ટોરી પ્રેરિત કરનારી છે. યુપીના અલિગઢ જિલ્લાના નાના ગામમાંથી આવનારા વિજય આજે ફોર્બ્સની યાદીમાં સ્થાન ધરાવે છે. પોતાનું ભણતર હિન્દી મીડિયમમાં હતુ અને આજે તે કોઇ ઓળખાણના મોહતાજ નથી.
દેશનો સૌથી મોટો આઇપીઓ
Paytm ની સ્થાપના વિજય શેખર શર્મા દ્વારા કરવામાં આવી હતી. યુપીના અલીગઢ જિલ્લાના એક નાનકડા ગામના વતની અને શાળાના શિક્ષકના પુત્ર શર્મા આજે ફોર્બ્સની અબજોપતિઓની યાદીમાં સામેલ છે. Paytm IPO એ દેશનો અત્યાર સુધીનો સૌથી મોટો IPO છે. અગાઉ, કોલ ઈન્ડિયા બજારમાં રૂ. 15,000 કરોડ અને રિલાયન્સ પાવર રૂ. 11,000 કરોડથી વધુનો IPO લાવી હતી.અગાઉ આવેલા બંને મોટા IPO ઉર્જા ક્ષેત્રના હતા. તે જ સમયે, Paytm IPO સંપૂર્ણપણે ટેક્નોલોજી ક્ષેત્રની કંપનીનો IPO છે.
કોણે કેટલો હિસ્સો વેચ્યો
કંપનીના સ્થાપક વિજય શેખર શર્માએ Paytm IPOના OFSમાં રૂ. 402.65 કરોડ સુધીનો તેમનો હિસ્સો વેચ્યો છે. બીજી બાજુ Paytmના હાલના રોકાણકારોમાં Antfin (નેધરલેન્ડ) હોલ્ડિંગ્સ રૂ. 4,704.43 કરોડ સુધી, અલીબાબા રૂ. 784.82 કરોડ સુધી, Elevation CapitalV FII હોલ્ડિંગ્સ રૂ. 75.02 કરોડ સુધી, Elevation Capital V Ltd રૂ. 64.04 કરોડ સુધીનો સમાવેશ થાય છે. Siaf III Mauritius રૂ. 1,327.65 કરોડ સુધીનો, સૈફ પાર્ટનર્સે રૂ. 563.63 કરોડ સુધીનો હિસ્સો વેચ્યો હતો, SVF Partners રૂ. 1,689.03 કરોડ સુધીનો અને ઇન્ટરનેશનલ હોલ્ડિંગ્સે રૂ. 301.77 કરોડ સુધીનો હિસ્સો વેચ્યો હતો. નોંધપાત્ર રીતે, IPO એ સામાન્ય રોકાણકારો માટે કંપનીમાં રોકાણ કરીને પૈસા કમાવવાની તક પણ છે. આ વર્ષે આવનારા IPO વિશે વાત કરીએ તો લગભગ 60 ટકા IPOએ રોકાણકારોને ફાયદો પહોંચાડ્યો છે. નોંધપાત્ર રીતે, IPO એ સામાન્ય રોકાણકારો માટે કંપનીમાં રોકાણ કરીને પૈસા કમાવવાની તક પણ છે. આ વર્ષે આવનારા IPO વિશે વાત કરીએ તો લગભગ 60 ટકા IPOએ રોકાણકારોને ફાયદો પહોંચાડ્યો છે.