સોશિયલ મીડિયા પર હાલ એક વીડિયો ખૂબ જ વાયરલ થઇ રહ્યો છે. આ વીડિયો કેટલીક છોકરીઓએ શેર કર્યો છે. જેમાં એક આઘેડ ઉંમરની મહિલાએ છોકરીઓના કપડાંને વઇને અભદ્ર ટિપ્પણી કરી છે.
મંગળવારે હરિયાણાના ગુરુગ્રામના એક શૉપિંગ મોલનો વીડિયો સોશિયલ મીડિયા પર વાયરલ થઇ ગયો. વીડિયોમાં કેટલીક છોતકીઓ એક મહિલાને એના નાના કપડાં પર ભદ્દી કમેન્ટ કરવા માટે માફી માંગવા માટે કહી રહી છે. વીડિયો અનુસાર મહિલાએ છોકરીના કપડાંને લઇને કહ્યું હતું કે આ કારણથી એમનો રેપ થવો જોઇએ. છોકરીઓને એની પર ગુસ્સો આવ્યો અને એ મહિલાનો વીડિયો બનાવતા બીજા સ્ટોર પર આવી ગઇ અને કેમેરા પર માફી માંગવાનું કહેતી રહી, પરંતુ મહિલાએ માફી માગવાની ના પાડી દીધી.
વીડિયોમાં જે રીતે મહિલા છોકરીઓથી દૂર ભાગી રહી છે એનાથી સ્પષ્ટ સમજાય છે કે એ છોકરીઓ સાથે પંગો લઇને ફસાઇ ચુકી છે. છોકરીઓ મહિલાને વારંવાર માફી માંગવાનું કહી રહી છે ત્યારે એ મહિલા કહે છે કે મારે તમારી સાથે કોઇ વાત કરવી નથી. મહિલા કહે છે કે તમે નાના કપડા પહેરીને છોકરાઓને બળત્કાર કરવા ઉત્તેજિત કરી રહી છો.
છોકરીઓના સપોર્ટમાં આવી અન્ય મહિલા
બધું જોતા સ્ટોરમાં આવેલી એક મહિલાએ છોકરીઓને સપોર્ટ કર્યો અને કહ્યું કે 'મેડમ મારી પણ બે છોકરીઓ છે અને એને ઇચ્છા થાય એ પહેરે કોઇ એને એના માટે એનો રેપ કરી શકે નહીં. તમારે છોકરીઓની માફી માંગવી પડશે. તેમ છતાં મહિલા માફી માગતી નથી.'
આ વચ્ચે છોકરીઓ કહે છે કે જો નાના કપડાંથી રેપ થાય છે તો 3 વર્ષની બાળકીઓ અને 80 વર્ષની વૃદ્ધ મહિલાઓનો રેપ કેમ થાય છે. એની પર મહિલા કહે છે કે આવું કરનારા સાઇકો હોય છે પરંતુ ટૂંકા કપડાં પહેરતી છોકરીઓનો રેપ થાય જ છે.