બનાસકાંઠામાં ડ્રાયવર વગર ટ્રેક્ટર દોડતું હોવાના વીડિયો સોશ્યિલ મીડિયા પર રોકેટ ગતિએ વાયરલ થઈ રહ્યો છે. આ વીડિયો બનાસકાંઠાના થરાદનો હોવાનું સોશ્યિલ મીડિયામાં ચર્ચાઈ રહ્યું છે.
અવાર નવાર આપણી આસપાસ અનેક અચરજ પમાડે તેવી ઘટનાઓ બનતી હોય છે. બનાસકાંઠાનો એક વીડિયો વાયરલ થયો છે. જે જોઈને તમે પણ દંગ રહી જશો. વાયરલ થયેલ વીડિયોમાં ટ્રેક્ટર ડ્રાયવર વગર ચાલતું દેખાઈ રહ્યું છે. એટલું જ નહિ ટ્રેક્ટર રોડ પર રોંગ સાઈડમાં આવી ડિવાઈડર કૂદીને પેટ્રોલ પંપમાં આવી જાય છે. ડ્રાયવર વગરનું ટ્રેક્ટર પેટ્રોલ પંપમાં દોડી આવતા પેટ્રોલ પંપ પર લોકોનાં જીવ પડીકે બંધાઈ જવા પામ્યા હતા. ત્યારે VTV NEWS વાયરલ વીડિયોની પુષ્ટિ નથી કરતું.
ટ્રેક્ટર ડિવાઈડર કૂદી પેટ્રોલ પંપ તરફ આવ્યું
વીડિયો રોકેટ ગતિએ સોશ્યિલ મીડિયા પર વાયરલ
બનાસકાંઠામાં ડ્રાયવર વગર ટ્રેક્ટર દોડતું હોવાના વીડિયો સોશ્યિલ મીડિયા પર રોકેટ ગતિએ વાયરલ થઈ રહ્યો છે. આ વીડિયો બનાસકાંઠાના થરાદનો હોવાનું સોશ્યિલ મીડિયામાં ચર્ચાઈ રહ્યું છે. વીડિયોમાં સ્પષ્ટ જોઈ શકાય છે કે ટ્રેક્ટરની ડ્રાયવરની સીટ પર કોઈ જ બેઠું નથી અને ટ્રેક્ટર ડીવાઈડર કૂદી સીધું જ પેટ્રોલ પંપમાં ઘુસી આવે છે. અને પેટ્રોલ પંપ પર ઉભેલ એક વાહનને ટક્કર મારે છે.
ટ્રેક્ટર ધડાકા સાથે ગાડી સાથે ટકરાયું
ટ્રેક્ટર પેટ્રોલ પંપમાં ઘુસતા લોકોએ રાહત અનુભવી
ટ્રેક્ટરને અચાનક જ પુર ઝડપે ડ્રાયવર વગર આવતું જોઈ પેટ્રોલ પંપ બહાર રોડ પર ઉભેલા લોકો પોતાનું વાહન સાઈડમાં કરી લે છે. જ્યારે ટેક્ટર પેટ્રોલ પંપમાં ઘુસી જતા લોકોનાં જીવ પડીકે બંધાઈ જવા પામ્યા હતા. કે કોઈ મોટી દુર્ઘટના ન સર્જાય પણ ટ્રેક્ટર પેટ્રોલ પંપ પર ઉભેલ ગાડીને ટકરાયા બાદ અટકી જતા લોકોએ હાશકારો અનુભવ્યો હતો.
