વિસનગર / VIDEO: કેબિનેટ મંત્રી પટેલનું નોટોના વરસાદથી સ્વાગત્! સરપંચે ઉડાવી રૂપિયાની થોકડીઓ

• જન આશિર્વાદ યાત્રામાં રૂપિયાનો વરસાદ 
• આરોગ્યમંત્રી ઋષિકેશ પટેલ પર વરસ્યાં રૂપિયા 
• ભાલકના સરપંચ આવી ગયા ઉત્સાહમાં 

રાજ્ય સરકારના નવા વરાયેલા મંત્રી મંડળના કેટલાક સદસ્યો જન આશિર્વાદ યાત્રામાં વ્યસ્ત છે ત્યારે, ઠેર-ઠેર નવા મંત્રીઓનું પારંપરિક સ્વાગત થાય છે. પરંતુ એક અચરજ પૂર્ણ સ્વાગત જોવા મળ્યું રાજ્યના આરોગ્ય મંત્રી ઋષિકેશ પટેલનું. સામાન્ય રીતે હારતોરા કે પછી સાફા,તલવાર કે પછી હળ થી સ્વાગત થતા હોય છે ત્યારે, રૂપિયાની છોળ વચ્ચે ઋષિકેશ પટેલનું સ્વાગત કરાયું હતું. ઉતર ગુજરાતના વિસનગરના ધારાસભ્ય અને રાજ્યના કેબીનેટ કક્ષાના આરોગ્ય મંત્રી ઋષિકેશ પટેલ વિસનગરમાં જન આશિર્વાદ યાત્રા દરમિયાન લોક સંપર્ક કરી રહ્યા હતા.

રાજ્યના આરોગ્યમંત્રી ઋષિકેશ પટેલ આજે જન આશિર્વાદ યાત્રા દરમિયાન વિસનગરના વિસ્તારમાં લોક સંપર્ક કરી રહ્યા હતા ત્યારે, ભાલકના સરપંચ યુનિસખાન પઠાણે જન આશિર્વાદ યાત્રા દરમિયાન ઋષિકેશ પટેલ પર રૂપિયાની નોટનો વરસાદ કર્યો હતો.@BJP4Gujarat #Gujarat pic.twitter.com/8IMPyxCKyh

— VTV Gujarati News and Beyond (@VtvGujarati) October 3, 2021

મત વિસ્તારમાં ચલણી નોટનો વરસાદ 

રાજ્યના આરોગ્યમંત્રી ઋષિકેશ પટેલ આજે જન આશિર્વાદ યાત્રા દરમિયાન વિસનગરના વિસ્તારમાં લોક સંપર્ક કરી રહ્યા હતા ત્યારે, ભાલકના  સરપંચ યુનિસખાન પઠાણે જન આશિર્વાદ યાત્રા દરમિયાન ઋષિકેશ પટેલ પર રૂપિયાની નોટનો વરસાદ કર્યો હતો. યાત્રા દરમિયાન સાથે રહેલા સમર્થકો પણ અચમ્ભિત રહી ગયા હતા.