દીપ્તિએ પોતાના શાનદાર અભિનયથી બોલિવૂડ ઈન્ડસ્ટ્રીમાં પોતાની એક અલગ ઓળખ બનાવી છે પણ હાલ જ એમને એક ઈન્ટરવ્યુ આપ્યું હતું જેમાં તેને ઘણા ખુલાસા કર્યા હતા
દિગ્ગજ અભિનેત્રી હાલમાં જ એક મોટો ખુલાસો કર્યો હતો
લગ્ન પછી દીપ્તિ નવલની મુશ્કેલીઓ વધી હતી
લગ્ન પછી તેને ફિલ્મો મળવાનું બંધ થઈ ગયું હતું
હિન્દી સિનેમાની દિગ્ગજ અભિનેત્રી દીપ્તિ નવલને કોઈ અલગ ઓળખની જરૂર નથી. 80ના દાયકામાં એકથી વધુ ફિલ્મો આપનાર દીપ્તિ નવલે હાલમાં જ એક મોટો ખુલાસો કર્યો હતો જેને સાંભળીને લોકો પણ આશ્ચર્યચકિત થઇ ગયા હતાઆ. ખુલાસો કરતાં દીપ્તિએ જણાવ્યું હતું કે લગ્ન પછી તેને ફિલ્મો મળવાનું બંધ થઈ ગયું હતું અને એ કારણે તેને ઘણી મુશ્કેલીઓનો સામનો કરવો પડ્યો હતો. જણાવી દઈએ કે દીપ્તિ નવલે વર્ષ 1985માં ફિલ્મમેકર પ્રકાશ ઝા સાથે લગ્ન કર્યા હતા, જો કે એ પછી દીપ્તિ અને પ્રકાશના છૂટાછેડા પણ થયા હતા.
લગ્ન પછી દીપ્તિ નવલની મુશ્કેલીઓ વધી હતી
દીપ્તિ નવલનું નામ પસંદિતા અને સારી અભિનેત્રીઓમાં સામેલ છે. દીપ્તિએ પોતાના શાનદાર અભિનયથી બોલિવૂડ ઈન્ડસ્ટ્રીમાં પોતાની એક અલગ ઓળખ બનાવી છે. પણ હાલ જ એમને એક ઈન્ટરવ્યુ આપ્યું હતું જેમાં તેને ઘણા ખુલાસા કર્યા હતા અને તેમાં દીપ્તિ નવલે જણાવ્યું હતું કે કેવી રીતે લગ્ન પછી તેના જીવનમાં મોટો બદલાવ આવ્યો હતો. દીપ્તિ નવલે કહ્યું હતું કે- 'જ્યારે મેં લગ્ન કર્યા, ત્યારપછી મને ફિલ્મોમાં રોલ મળવાનું બંધ થઈ ગયું હતું અને આ અનુભવ એવો હતો કે જાણે મારી છબી ધીમે ધીમે ધોવાઈ રહી છે. મેં તે સમયગાળો જોયો જ્યારે મારી પાસે ઘણા વર્ષોથી કોઈ કામ ન હતું અને હું પોતે નહતી સમજી શકતી કે મારી સાથે શું થઈ રહ્યું છે કારણ કે મેં મારી જાતને એક કલાકાર તરીકે જોઈ છે પણ જો તમને લાંબા સમય સુધી કામ મળતું બંધ થઈ જાય તો તમારી ઓળખ કલંકિત થવા લાગે છે આ પછી મારે મારો રસ્તો જાતે શોધવો પડ્યો. આ બધા કારણે મારે ડિપ્રેશનનો સામનો પણ કરવો પડ્યો હતો.
આ ફિલ્મથી કમબેક કરશે દીપ્તિ નવલ
જોકે દીપ્તિ નવલ લાંબા સમયથી ફિલ્મી દુનિયાથી દૂર છે અને હવે આવનાર સમયમાં દીપ્તિ નવલ ફિલ્મ ગોલ્ડફિશથી કમબેક કરતી જોવા મળશે. આ ફિલ્મમાં દીપ્તિ નવલ સાથે અભિનેત્રી કલ્કી કોચલીન પણ મુખ્ય ભૂમિકામાં જોવા મળશે. જણાવી દઈએ કે દીપ્તિ નવલ તેની ફિલ્મી કરિયર દરમિયાન ચશ્મે બદ્દૂર, સાથ સાથ, કથા અને કિસી સે ના કહેના જેવી ઘણી ફિલ્મોમાં જોવા મળી છે.