કાર્યવાહી / સંસ્કારી નગરી વડોદરાને હાઈપ્રોફાઇલ દારૂડિયાઓએ લજવી, 12 યુવતી અને 10 યુવકોને પોલીસે દારૂની મહેફિલ માણતા ઝડપ્યા

• વડોદરાના ન્યુ અલકાપુરીના ગ્રીન વુડ્સના બંગલામાં મહેફિલ ઝડપાઈ
• 12 યુવતીઓ અને 10 યુવકોને પોલીસે મહેફિલમાં ઝડપ્યા
• ગતરાત્રીથી જ સંતાનોને છોડાવવા ધમપછાડા ચાલુ

વડોદરાના ગોત્રી વિસ્તારમાં આવેલા ન્યૂ અલકાપુરીમાં આવેલા નેપ્ચ્યુન ગ્રીનવુડ્સ બંગ્લોઝમાં જન્મદિવસની ઉજવણી હતી. આ બર્થડે પાર્ટીમાં કુલ 22 નબીરાઓ ઉજવણી કરી રહ્યા હતા. દારૂની મહેફિલ માણતા કુલ 22 જેટલા નામાંકિત નબીરાઓની ધરપકડ કરવામાં આવી છે. પોલીસે 12 યુવતીઓ અને 10 યુવકોને ઝડપ્યા છે. આ મામલે કુલ 10 યુવકો વિરૂદ્ધ ગુનો નોંધીને વધુ તપાસ હાથ ધરાઇ છે.

સાથે 4થી 5  લક્ઝુરીયસ કાર અને વિદેશી દારૂની બોટલ પણ પોલીસે કબ્જે કરી છે. ગતરાત્રીથી જ સંતાનોને છોડાવવા માટે ધમપછાડા ચાલી રહ્યા છે. સમગ્ર મામલે લક્ષ્મીપુરા પોલીસે કાર્યવાહી હાથધરી છે. મહત્વનું છે કે, કબીર ફાર્મના માલિકના પુત્ર રાજ પંજાબી(રાજ હિતેશભાઇ ચગ)ના જન્મદિવસની ઉજવણી હોવાની ચર્ચાએ જોર પકડ્યું છે.

બર્થડે પાર્ટીમાં દારૂની મહેફિલમાં માણતા વડોદરાના નબીરાઓ

1. રાજ હિતેશભાઇ ચગ(પંજાબી), (ઉં.22 વર્ષ)(રહે, 5, નેપ્ચ્યુન ગ્રીનવુડ, ન્યુ અલકાપુરી, ગોત્રી, વડોદરા)
2. શાલિન વિશાલભાઇ શર્મા,(ઉં.21 વર્ષ) (રહે, ડી-501, સ્પ્રીંગ રીટ્રીટ, વાસણા-ભાયલી રોડ, વડોદરા )
3. માલવેગ કેતનભાઇ પ્રજાપતિ, (ઉં.22 વર્ષ) (રહે, 201,202, વ્રજનંદન ફ્લેટ, ગોત્રી, વડોદરા)
4. વાત્સલ્ય પંકજભાઇ શાહ, (ઉં.21 વર્ષ) (રહે, અંતરીક્ષ એલીગંજ, વાસણા રોડ, વડોદરા)
5. રોહિત વિષ્ણુભાઇ પટેલ, (ઉં.21 વર્ષ) (રહે, 20, ભવાનીપુરા સોસાયટી, નિઝામપુરા, વડોદરા)
6. ધ્રુવિલ કેતનભાઇ પરમાર, (ઉં.21 વર્ષ) (રહે, એ-102, સાંકેત એપાર્ટમેન્ટ, ઓલ્ડ પાદરા રોડ, વડોદરા )
7. આદિત્યસિંહ સુરેન્દ્રસિંહ પરમાર (રહે, 11, નિર્મલનગર સોસાયટી, અકોટા, વડોદરા)
8. વ્રજ સચિનભાઇ શેઠ, (ઉં.21 વર્ષ) (રહે, 41, શ્રીનગર સોસાયટી, અકોટા, વડોદરા)
9. મારુક સાદ્દીકઅલી પાદરી, (ઉં.21 વર્ષ) (રહે, 3/4, આંગન બંગ્લોઝ, તાંદલજા, વડોદરા)
10. વરૂણ ગૌતમભાઇ અમી, (ઉં.21 વર્ષ) (રહે, 53, સેવાશ્રમ સોસાયટી, વાસણા રોડ, વડોદરા)