વડોદરાના ગોત્રી વિસ્તારમાં આવેલા ન્યૂ અલકાપુરીમાં આવેલા નેપ્ચ્યુન ગ્રીનવુડ્સ બંગ્લોઝમાં જન્મદિવસની ઉજવણી હતી. આ બર્થડે પાર્ટીમાં કુલ 22 નબીરાઓ ઉજવણી કરી રહ્યા હતા. દારૂની મહેફિલ માણતા કુલ 22 જેટલા નામાંકિત નબીરાઓની ધરપકડ કરવામાં આવી છે. પોલીસે 12 યુવતીઓ અને 10 યુવકોને ઝડપ્યા છે. આ મામલે કુલ 10 યુવકો વિરૂદ્ધ ગુનો નોંધીને વધુ તપાસ હાથ ધરાઇ છે.
સાથે 4થી 5 લક્ઝુરીયસ કાર અને વિદેશી દારૂની બોટલ પણ પોલીસે કબ્જે કરી છે. ગતરાત્રીથી જ સંતાનોને છોડાવવા માટે ધમપછાડા ચાલી રહ્યા છે. સમગ્ર મામલે લક્ષ્મીપુરા પોલીસે કાર્યવાહી હાથધરી છે. મહત્વનું છે કે, કબીર ફાર્મના માલિકના પુત્ર રાજ પંજાબી(રાજ હિતેશભાઇ ચગ)ના જન્મદિવસની ઉજવણી હોવાની ચર્ચાએ જોર પકડ્યું છે.