વડોદરા: રાજ્યમાં દિવસેને દિવસે અકસ્માતોની સંખ્યા વધતી જઈ રહી છે. હિટ એન્ડ રનની ઘટનાઓમાં ઉત્તરોતર વધારો થઈ રહ્યો છે. તેવામાં વડોદરા શહેરના આજવા વિસ્તારમાં વધુ એક અકસ્માત સર્જાયો છે.
ડમ્પર ચાલકે બાઈક ચાલકને ટક્કર મારી દેતા, પુરૂષ અને મહિલાનું ઘટના સ્થળ પર જ મોત નિપજ્યું છે. તો બાપોદ પોલીસે પણ અકસ્માતે મોતનો ગુનો દાખલ કરી આ દિશામાં વધુ તપાસ હાથ ધરી છે.
ઉલ્લેખનીય છે કે, રાજ્યમાં રોજ રોજ અનેક લોકો માર્ગ અકસ્માતમાં મૃત્યુ પામે છે. માત્ર અમદાવાદ શહેરમાં જ માર્ગ અકસ્માતમાં મૃત્યુ પામ્યાના આંકડા પર નજર ફેરવવામાં આવે તો વર્ષ 2018મા અમદાવાદ શહેરમાં 320 લોકોના મોત થયા હતા. જેમાં 60 મહિલા અને 260 પુરુષનો સમાવેશ થાય છે.
મૃત્યુ પામેલામાંથી 80 ટકા લોકોની ઉંમર 35થી 40 વર્ષની હતી. ગુજરાતમાં અકસ્માત મોતનો આંકડો 7000 સુધી પહોંચ્યો છે. ભારતમાં દર વર્ષે 1.47 લાખ લોકો રોડ અકસ્માતમા મૃત્યુ પામે છે. આ ચૌંકાવનારા આકંડા જોઈને તમને પણ થશે કે સલામતીથી વાહન ચલાવવુ કેટલું જરૂરી છે.
વર્ષ-2018મા અમદાવાદશહેરમાં 320 લોકોના મોત થયા હતા
જેમાં 60 મહિલા અને 260 પુરુષનો સમાવેશ થાય છે
મૃત્યુ પામેલામાંથી 80 ટકા લોકોની ઉમર 35થી 40 વર્ષની હતી
ગુજરાતમાં અકસ્માતમોતનો આંકડો 7000 સુધી પહોંચ્યો છે
ભારતમાં દરવર્ષે 1.47 લાખ લોકો રોડ અકસ્માતમા મૃત્યુ પામે છે
2018માં ભારતમા 1.47 લાખ લોકો અકસ્માતમા મૃત્યુ પામ્યા. રોડ અકસ્માત હવે દેશનો ગંભીર મુદ્દો બની ગયો છે. આતંકવાદ અને દુશ્મનોના હુમલાથી લોકોને બચાવી શકાય છે. પરંતુ 'રોડ વોર'થી લોકોને બચાવવા પોલીસ માટે પણ મુશ્કેલ છે. પોતાનો જીવ બચાવવો દરેક વાહનચાલકના હાથમાં જ છે. જ્યારે અકસ્માતમાં કોઈ સ્વજન મૃત્યુ પામે છે ત્યારે સૌથી દયનીય સ્થિતિમાં તેનો પરિવાર મુકાય છે.