ઉત્તરાખંડમાં 13 નવા પર્યટન સ્થળોના વિકાસ માટે ન્યુ ડેવલોપમેન્ટ બેન્ક 1200 કરોડ રુપિયાની નાણાકીય મદદ આપવા સહમત થઇ ચુકી છે.
ઉત્તરાખંડના મુખ્યપ્રધાન ત્રિવેન્દ્ર સિંહ રાવતે વર્ષ 2017માં મેટ્રો પ્રોજેક્ટ અને રાજ્યમાં નવા પર્યટક સ્થળ વિકસાવવાની જાહેરાત કરી છે. આ પ્લાન હેઠળ શાંધાઇ સ્થિત ન્યુ ડેવલોપમેન્ટ બેંકનો સાથ મળ્યો છે. રાજ્યમાં 13 નવા પર્યટન સ્થળોના વિકાસ માટે ન્યુ ડેવલોપમેન્ટ બેંક 1200 કરોડ રુપિયાની નાણાકીય મદદ આપવા રાજી થઇ ગઇ છે. કેન્દ્ર સરકાર તરફથી પણ આ લોન માટે રાજ્યના પ્રસ્તાવને ગ્રીન સિગ્નલ મળી ગઇ છે.
રાજ્યના હાલના પર્યટન સ્થળો ઉપરાંત 13 ડિસ્ટ્રીક્ટ-13 ડેસ્ટિનેશન યોજના હેઠળ નવા ટુરિસ્ટ ડેસ્ટીનેશન્સ વિકસાવવાના છે. આ યોજના હેઠળ રાજ્યના તમામ 13 જિલ્લામાં એક એક પર્યટન સ્થળની ઓળખ અને તેનો વિકાસ કરાશે. જાણકારી અનુસાર ન્યુ ડેવલોપમેન્ટ બેન્ક અને ઉત્તરાખંડ સરકારની વચ્ચે ખુબ જ જલ્દી આ મુદ્દે ઔપચારિક કરાર થવાની શક્યતા છે. ત્યારબાદ આ પ્રોજેક્ટ પર આગળનુ કામ શરુ કરાશે.
સુત્રોનું કહેવું છે કે આ પ્રોજેક્ટ હેઠળ 13 નવા પર્યટક સ્થળોની પસંદગી પહેલા જ કરાઈ ચુકી છે. ઉત્તરાખંડ સરકારમાં પર્યટન અને નાગરિક ઉડ્ડ્યન સચિવ દિલીપ જાવલકરનું કહેવું છે કે નવા પર્યટન સ્થળોને વિકસાવવા માટે બજેટની વ્યવસ્થા ખુબ જરુરી છે. તેમણે કહ્યુ કે રાજ્યની ભૌગોલિક પરિસ્થિતિને જોતા અહીં નવી હવાઇ પટ્ટીઓને ડેવલોપ કરવા પર પણ જોર અપાયુ છે. તેનાથી દેશ અને રાજ્યના વિવિધ ભાગથી હવાઇ સંપર્ક સુધરશે અને પર્યટનમા તેનો ફાયદો પણ મળશે.
દેવભુમિ ઉત્તરાખંડ પોતાની અદ્ભુત સંસ્કૃતિ અને ખાણીપીણી ઉપરાંત તેની સુંદરતા માટે પણ ફેમસ છે. અહીં દર વર્ષે હજારોની સંખ્યામાં પર્યટકો ફરવા આવે છે, પરંતુ રાજ્યમાં હજુ એવી ઘણી જગ્યાઓ છે જયાં કોઇ પહોંચ્યુ નથી. આ જગ્યો કોઇ જન્નતથી ઉતરતી નથી. આવી જ ક જગ્યા છે કલાપ. ઉત્તરાખંડના ઉપરી ગઢવાલ શ્રેત્રમાં આવેલુ આ ગામ ઘણા વિસ્તારોથી કપાયેલુ છે. મોટાભાગના લોકોને તેના વિશે જાણ નથી. અહીંની વસ્તી પણ ઓછી છે. અહીં એક રહસ્ય છુપાયેલુ છે.