યૂટિલિટી ટિપ્સ / ગાડીમાં અચાનક લાગેલી આગથી બચવા માટે ખાસ છે આ TIPS, રાખો સાવધાની

• કારમાં અચાનક આગ લાગે તો કરો આ ઉપાય
• ગાડીમાં રાખી લો આ સેફ્ટી માટેની ચીજો
• ગાડીમાં બેસતા પહેલાં ચેક કરી લો આ ચીજો

જ્યારે પણ તમે ગાડીમાં બેસો તે પહેલાં ચેક કરી લો કે તેમાંથી કોઈ પણ પ્રકારની સ્મેલ તો નથી આવતી ને. તમે તમારી ગાડી અથવા જો તમે કેબનો ઉપયોગ કરો છો તો પણ તમારે આ વાતનું ધ્યાન રાખવાનું રહે છે, જો તમને કોઈ પણ પ્રકારની થોડી પણ સ્મેલ આવે તો તમે સેફ્ટીને ધ્યાનમાં રાખીને તે ગાડીનો ઉપયોગ કરવાનું ટાળો તે હિતાવહ છે. 

ગાડીમાં આગ લાગે તો શું થાય છે
આગ લાગ્યા બાદ સૌથી પહેલાં કારના પાવર વિન્ડોઝ, સીટ બેલ્ટ અને સેન્ટ્રલ લોકિંગ સિસ્ટમ ફેલ થઈ જાય છે. જેના કારણે તમારે ગાડીમાંથી બહાર આવવામાં મહેનત કરવી પડે છે. જો આગ લાગવાની જાણકારી સમયસર ન મળે તો કાર્બન મોનોક્સાઈડના કારણે ગાડીમાં બેઠેલા લોકોનો જીવ જઈ શકે છે. 

ગાડીમાં રાખી લો આ જરૂરી સામાન

• હથોડી- તે તમને ગાડીના કાચને તોડવામાં મદદ કરશે.
• કાતર - જો સીટ બેલ્ટ લોક થઈ ગયો હોય તો તેને કાપવામાં મદદ મળશે. 
• અગ્નિશામક - નાનું અગ્નિશામક તમારી મદદ કરી શકે છે, ગાડીની આગને પાણીથી ઓલવવાની કોશિશ ન કરો. તેનાથી શોર્ટ સર્કિટની શક્યતા વધી જાય છે. 

પહેલાંથી ચેક કરી લો બચાવના આ ઉપાય

• ગાડીના એન્જિન પર ખાસ ધ્યાન રાખવાની જરૂર છે. યોગ્ય સમયે ઓઈલ ફિલ્ટર, એન્જિન કૂલેંટ અને એન્જિન ઓઈલને બદલતા રહો. તેનાથી ગાડીની સ્થિતિ સારી રહેશે.
• ગાડીમાં ફાલતૂના ઈલેક્ટ્રોનિક ઉપકરણ લગાવવાથી બચો. તે બેટરી પર એકસ્ટ્રા લોડ નાંખે છે.
• સીએનજી કે એલપીજી કિટને હંમેશા અધિકૃત સેન્ટરથી ખરીદો અને ફિટ કરાવો.
• ગાડીમાં જરૂર કરતાં વધારે સામાન ભરો નહીં. તેનાથી કારમાં મુશ્કેલી આવી શકે છે.