સાવધાન / તમે ફોન ચાર્જમાં હોય ત્યારે ઉપયોગ કરો છો ચેતી જજો, બેટરીથી લઈને ફોનની લાઈફને થાય છે ખરાબ અસર

ઘણા લોકો મોબાઈલ ચાર્જ કરતી વખતે પણ ફોનનો ઉપયોગ કરે છે. શું તમે પણ મોબાઈલ ચાર્જ કરતી વખતે ફોન ચલાવો છો? જો હાં તો આ ખબર તમારા માટે છે. જાણો મોબાઈલ ચાર્જ કરતી વખતે તેનો ઉપયોગ કરવો કેટલો ખતરનાક સાબિત થઈ શકે છે. 

ચાર્જ કરતી વખતે ન કરો મોબાઈલનો ઉપયોગ 
મોટાભાગે લોકો મોબાઈલ ચાર્જ પર તો લગાવી દે છે પરંતુ ત્યાં બેસીને ફોનનો ઉપયોગ કરવા લાગે છે. જણાવી દઈએ કે જ્યારે પણ આપણે ફોન ચાર્જ પર લગાવીએ છીએ તો તે હીટ છોડે છે એવામાં ઘણી વખત ફોન ચાર્જ થતા થતા એકદમથી બ્લાસ્ટ થઈ જાય છે. આટલું જ નહીં તેનાથી આગ લાગવાની પણ સંભાવના રહે છે. 

તેના ઉપરાંત જ્યારે પણ તમે ચાર્જ કરતા ફોનનો ઉપયોગ કરો છો તો આ બેટરીને હાની પહોંચાડી શકે છે સાથે જ ફોનની ઉંમરને પણ ઓછી કરી શકે છે. વારંવાર એવું કરવાથી ચાર્જિંગ સ્પીડ ધીમી થઈ જાય છે. આમ કરવાથી ઘણી વખત લોકોને વિજળીનો ઝટકો પણ લાગે છે. 

તેનાથી બચવાની રીત 
તેનાથી બચવાની ઘણી રીત છે સૌથી પહેલા તમારે ફોન ચાર્જ કરતી વખતે પોતાના ફોનને બંધ કરી દેવો જોઈએ. જો તમે ફોનનો ઉપયોગ કરવા માંગો છો તો તમે પોતાના ફોનને પહેલા ચાર્જિંગમાંથી હટાવી દો. તેના બાદ જ તેનો ઉપયોગ કરો. 

વધુ વાંચો: Voter આઇડી કાર્ડ નથી મળતું? તો હવે ઘરે બેઠાં મફતમાં આ રીતે કરો ડાઉનલોડ, જાણો પ્રોસેસ

ચાર્જિંગ વખતે ધ્યાન રાખો કે તમે જે ચાર્જરનો ઉપયોગ કરી રહ્યા છો તે તમારા ફોનનું જ હોવું જોઈએ. જ્યારે ફોન ચાર્જ થઈ રહ્યો હોય તો તેને કોઈ ઠંડી જગ્યા પર રાખો જેનાથી હવા પાસ થઈ શકે. આટલું જ નહીં ચાર્જિંગ કરતી વખતે પોતાના ફોનને પાણી અને ભીની જગ્યાથી દૂર રાખો. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો