સર્વર ડાઉન / ફેસબુક, વૉટ્સઍપ અને ઈન્સ્ટાગ્રામ ડાઉનઃ લોકોએ વ્યથા ઠાલવી ટ્વિટર પર

આ દરમિયાન કેટલાક યૂઝર્સે ફેસબુક એકાઉન્ટ નથી ખુલી રહ્યા, તો કેટલાક ફોટો-વીડિયો અપલોડ કરવામાં મૂશ્કેલી થઇ રહી છે. ત્યારે, કેટલાક યૂઝર્સને ન્યૂઝ ફીડ લોડ નથી થઇ રહી. આ વચ્ચે ઇન્સ્ટાગ્રામ પર પણ યૂઝર્સને ફોટો અપલોડ કરવામાં મૂશ્કેલી થઇ રહી છે અને વ્હોટ્સએપ પર પણ યૂઝર્સ મેસેજ નથી મોકલી શકતા.

જોકે, હજુ સુધી આનું કારણ સામે આવ્યું નથી અને અત્યાર સુધી ફેસબુક તરફથી પણ આ સમસ્યાને લઇને કોઇપણ પ્રકારની સ્પષ્ટતા કરવામાં નથી આવી. તેવામાં યૂઝર્સ વ્હોટ્સએપ, ફેસબુક, ઇન્સ્ટાગ્રામ ડાઉન હેશટેગ સાથે પોતાની મૂશ્કેલી ટ્વીટર પર રજૂ કરી રહ્યા છે.

તેવામાં આવું પહેલી વખત નથી જ્યારે ત્રણેય સોશિયલ મીડિયા પ્લેટફોર્મ એક સાથે ડાઉન થયા હોય, ગત મહિને પણ કંઇક એવું જ જોવા મળ્યું હતું.