coronavirus / કોરોના લૉકડાઉન મામલે ટ્રમ્પનું આવ્યું બીજું મોટું નિવેદન, કહ્યું મારા દુશ્મનો ઈચ્છે છે કે..

• કોરોના વારયસમાં લોકડાઉન વચ્ચે ટ્રમ્પે મીડિયા પર ઉઠાવ્યાં સવાલ
• મારા વિરુદ્ધ ખોટા સમાચાર ફેલાવાનો કરવામાં આવી રહ્યો છે પ્રયત્ન
• જેને લઇને હું આગામી ચૂંટણી હારી જાઉ તેવું ઇચ્છી રહ્યાં છે

ડેલી મેલના એક રિપોર્ટ અનુસાર ટ્રમ્પે એવા બધા સમાચારને ખોટા ગણાવ્યાં જેમાં ટ્રમ્પ પ્રશાસન દ્વારા કોરોના વાયરસના સંક્રમણને કાબુમાં કરવામાં નિષ્ફળ બતાવામાં આવ્યાં  હતા. કોરોના વાયરસના સંક્રમણ સામે અમેરિકામાં માસ્ક અને વેંટિલેટર્સની ઉણપ અમેરિકામાં  હાલ મીડિયામાં છવાયેલ છે. જેને લઇને વ્હાઇટ હાઉસની સતત નિંદા કરવામાં આવી રહી છે. જેને યુએસ રાષ્ટ્રપતિ ડોનાલ્ડ ટ્રમ્પે ખોટા સમાચાર ગણાવ્યાં.

ઇસ્ટર સુધી અમેરિકા ઇકોનોમી ખોલવા ઇચ્છે છે ટ્રમ્પે

કોરોના વાયરસના એક્સપર્ટથી અલગ ડોનાલ્ડ ટ્રમ્પે ગત દિવસોમાં કહ્યું હતું કે તેમને લાગે છે કે એપ્રિલના મધ્યમાં ઇસ્ટર સુધી અમેરિકાની ઇકોનોમીને ખોલી દેવી જોઇએ. અમેરિકા આટલા બધા દિવસોના લોકડાઉન માટે તૈયાર નથી. જ્યારે મેડિકલ એક્સપર્ટોનું કહેવું છે કે આવુ કરવું ભયાનક નિવડશે અને જેના કારણે કોરોનાનું સંક્રમણ ઝડપી ફેલાશે. 

યુએસ રાષ્ટ્રપતિ ડોનાલ્ડ ટ્રમ્પે આ મુદ્દાને લઇને મીડિયા પર ઘણી વખત પ્રહાર કર્યાં છે. રાષ્ટ્રપતિ ટ્રમ્પે વ્હાઉટ હાઉસની પત્રકાર પરિષદ બાદ ટ્વિટર પર પણ મીડિયાની ફરિયાદ કરતા જોવા મળ્યાં. ટ્વિટર માધ્યમથી ટ્રમ્પે જણાવ્યું કે હું આખો દિવસ મિટીંગમાં રહ્યો છું, મારી પાસે બેવફુકો માટે સમય નથી. અમે દિવસ-રાત અમેરિકાની સુરક્ષા માટે કાર્ય કરી રહ્યાં છીએ.

પત્રકાર પરિષદ દરમિયાન એક રિપોર્ટરે પુછેલા સવાલ પર ટ્રમ્પ થોડા ગુસ્સામાં બોલ્યા કે મારુ માનવું છે કે કેટલાક લોકોને લોકડાઉન જલ્દી ખતમ થઇ જાય તે પસંદ નથી. તેઓ ઇચ્છી રહ્યાં છે કે સારુ થાય કે હું ચૂંટણી હારી જાઉં.