વિવાદ / ચીન સાથે સીમા વિવાદ પર અમેરિકાએ ભારતનું કર્યું સમર્થન, કહ્યું ચીન અતિક્રમણનો છે ખતરો

• લદ્દાખ અને સિક્કિમ પાસેની બોર્ડર પર તણાવપૂર્ણ ઘટનાક્રમ, અમેરિકાએ ભારતનું કર્યું સમર્થન
• આ પ્રકારના વિવાદ આપણાને ચીન તરફથી પેદા થઇ રહેલા ખતરાની યાદ અપાવે છે

અમેરિકી વિદેશ મંત્રાલયમાં દક્ષિણ અને પશ્ચિમ એશિયા વિભાગના પ્રમુખ એલિસ વેલ્સે કહ્યું, ચીનના ઉશ્કેરણીજનક અને હેરાન કરનારા વલણ વિરુદ્ધ એક જેવા વિચાર રાખનારા દેશ અમેરિકા, ભારત, ઓસ્ટ્રેલિયા અને આસિયાન સભ્યો એકસાથે આવી ગયા છે. 

અમેરિકાએ અફઘાનિસ્તાનમાં ભારતની ભૂમિકાને લઇને પણ ચર્ચા કરી છે. તેઓએ કહ્યું કે આ નિર્ણય નવી  દિલ્હીએ કરવાનો છે કે તાલિબાનની સાથે પ્રત્યક્ષ સંપર્કમાં આવવા માંગે છે કે નહીં. સાથે સલાહ આપી છે કે કાબુલની નવી સરકારમાં તાલિબાન સામેલ થવા જઇ રહ્યું છે, એવામાં ભારત માટે જરૂરી છે કે અફઘાનિસ્તાનની ભાવી સરકારની સાથે તેના 'સ્વસ્થ સંબંધ' હોય. 

અમેરિકાના ટોચના રાજદ્વારી વેલ્સે ભારત-ચીનના વર્તમાન તણાવના સવાલ પર કહ્યું કે બોર્ડર પર તણાવની ઘટનાઓ એ વાતની યાદ અપાવે છે કે ચીની અતિક્રમણનો ખતરો અસલી છે, પછી તે દક્ષિણ ચીન સાગર હોય અથવા ભારતીય સીમા, અમે સતત ચીનની તરફથી ઉશ્કેરણીજનક અને તણાવ વધારનાર પગલાઓ જોઇ રહ્યા છીએ. ચીનના આ વલણએ સવાલ ઉભો થાય છે કે ચીન કેવી રીતે પોતાની વધતી તાકાતનો ઉપયોગ કરવા ઇચ્છી રહ્યું છે. 

વેસ્લે કહ્યું કે, અમે ઇચ્છીએ છીએ કે એક આંતરરાષ્ટ્રીય વ્યવસ્થા હોય જેનાથી તમામનો ફાયદો થાય, નહીં કે એવી વૈશ્વિક વ્યવસ્થા જેમા ચીનનું આધિપત્ય હોય. ચીનની ગતિવિધિઓએ એક પ્રકારના વિચાર ધરાવતા દેશોને એકજુટ કરી દીધા છે. પછી તે આસિયાન દેશ હોય અથવા કૂટનીતિક સંગઠન, અમેરિકા, જાપાન, ભારત અને ઓસ્ટ્રેલિયા એક સાથે છે. આખી દુનિયામાં ચીનને લઇને વાતચીત શરૂ થઇ ગઇ છે.