ઉત્તરપ્રદેશના મુખ્યમંત્રી યોગી આદિત્યનાથના સલાહકાર મૃત્યુંજય કુમારે દાવો કર્યો છે કે કોંગ્રેસે મજૂરો માટે બસનું જે લિસ્ટ મોકલ્યું છે તેમાં બાઈક અને રીક્ષાના નંબરો આપવામાં આવ્યા છે. કોંગ્રેસે આપેલી સૂચિનો ઉલ્લેખ કરતાં તેમણે વાહનના નોંધણી નંબરનો ઉલ્લેખ કર્યો છે. 10 નવેમ્બર, 2016 ના રોજ નોંધાયેલ વાહન નંબર UP 83 T 1006 વિશે માહિતી આપતા, તેમણે કહ્યું છે કે તે બસ નહીં, પરંતુ ત્રણ પૈડાવાળું વાહન છે.
કોંગ્રેસે મોકલેલા બસના નંબર પર આરોપ
બસના લિસ્ટમાં જોવા મળ્યા રીક્ષા અને બાઈકના નંબર
મુખ્યમંત્રી યોગી આદિત્યનાથના સલાહકાર મૃત્યુંજયે લગાવ્યો કોંગ્રેસ પર આરોપ
પ્રિયંકા ગાંધી વાડ્રાએ 1000 બસ આપવાનો કર્યો છે વાયદો
કોંગ્રેસના મહાસચિવ પ્રિયંકા ગાંધી વાડ્રાએ યુપી સરકારને કામદારોને ઘરે લઈ જવા 1000 બસ આપવાની ઓફર કરી હતી. આ વાત સીએમ યોગી આદિત્યનાથે સ્વીકારી હતી અને પ્રિયંકા ગાંધીને બસોનું લિસ્ટ રાજ્ય સરકારને સોંપવા જણાવ્યું હતું.
બસને બદલે તેમાં છે થ્રી વ્હીલરના નંબર પણ
હવે મુખ્યમંત્રી યોગી આદિત્યનાથના સલાહકાર મૃત્યુંજય કુમારે દાવો કર્યો છે કે આ લિસ્ટ ખોટું છે. કોંગ્રેસે આપેલા લિસ્ટનો ઉલ્લેખ કરતાં તેમણે વાહનના નોંધણી નંબરનો ઉલ્લેખ કર્યો છે. 10 નવેમ્બર, 2016 ના રોજ નોંધાયેલ વાહન નંબર UP 83 T 1006 વિશે માહિતી આપતા તેમણે કહ્યું છે કે તે બસ નહીં, પરંતુ ત્રણ પૈડાવાળી વાહન છે.
આ રીતે મૃત્યુંજય કુમારે અન્ય નંબર RJ 14 TD 1446 અંગે કહ્યું કે તે બસ નહીં પણ કાર છે. અન્ય 2થી 3 નંબર માં પણ આવું જોવા મળ્યું છે.
અન્ય એક નંબર UP 85 T 6576 છે. તેને ચેક કરતાં ખ્યાલ આવ્યો છે કે આ બસ નહીં પણ સ્કૂટરનો નંબર છે.