સુરત અને વડોદરામાં બે યુવકોનો આપઘાત, શેરબજારમાં નાણા ડૂબવાથી અને ઓનલાઇન કસીનોમાં દેવુ વધી જતા ટૂંકાવ્યો જીવ
ગુજરાતમાં વધ્યા આપઘાતના કિસ્સા
વડોદરામાં શેરબજારમાં પૈસા ડૂબતા યુવકનો આપઘાત
સુરતમાં દેવુ વધી જતા યુવકનો આપઘાત
કોરોના કાળ વચ્ચે રશિયા અને યુક્રેનનું યુદ્ધ. જેની વૈશ્નિક બજારો પર એવી અસર પડી કે ક્રૂડ ઓઇલ 100 ડોલરને પાર પહોંચી ગયુ અને આંતરરાષ્ટ્રીય બજારોમાં મંદીનો માહોલ જોવા મળ્યો. પરિણામે ભારતીય શેર બજારની સ્થિતિ કડકભૂસ થઇ ગઇ. અનેક લોકોના પૈસા ડૂબી ગયા. લોકોએ માથે હાથ દઇને રોવાનો વારો આવ્યો. ત્યારે વડોદરાના મકરપુરા વિસ્તારમાં શેરબજારમાં પૈસા ડૂબી જતા જીવન ટૂંકુ કરી દીધુ. કોરોના બાદ લોકોની આર્થિક સ્થિતિ નબળી થઇ ગઇ છે આવી સ્થિતિમાં આપઘાતના બનાવોમાં પણ વધારો થવા પામ્યો છે.
શેરબજારમાં પૈસા ડૂબતા આપઘાત
વડોદરાના મકરપુરા વિસ્તારમાં રાજુ શિરવી નામના યુવકે ગળે ફાંસો ખાઇને જીવન ટૂંકાવી દીધુ, શેરબજારમાં રુપિયા ડૂબી જતા 31 વર્ષીય રાજુએ આપઘાત કરી લેતા પરિવાર ઘેરા શોકમાં ગરકાવ થયો છે. પત્નીને બીજા રુમમાં બાંધી દઇને રાજુએ અન્ય રુમમાં જઇને ગળેફાંસો ખાઇ લીધો. રાજુ તરસાલીમાં મોબાઇલની દુકાન ધરાવે છે. ઘટનાને પગલે મકરપુરા પોલીસે વધુ તપાસ હાથ ધરી છે. મહત્વનુ છે કે શેરબજારમાં કડાકો બોલાતા અનેક લોકોના સપના રોળાયા છે.
દેવુ વધી જતા આપઘાત
ઓનલાઇન ગેમ તો ખબર નહી હજુ કેટલા લોકોના જીવ લેશે ? પબજી જેવી ગેમને કારણે અનેક લોકોએ જીવ ગુમાવ્યા ત્યારે હજી પણ આ ઓનલાઇન ગેમનો ક્રેઝ ઓછો થયો નથી. ઓનલાઇનના ચક્કરમાં સુરતમાં એક યુવાને આપઘાત કરી લીધો. ઓનલાઇન કસીનો રમવામાં યુવકને દેવુ થઇ જતા મોતને વ્હાલુ કર્યુ. યુવકની સ્યુસાઇડ નોટ પર મળી આવી છે જેમાં તેણે 30 લાખ રુપિયાનું દેવુ થઇ ગયુ હોવાનો ઉલ્લેખ કર્યો છે. આ યુવકનું નામ સાગર છે તે સુરતની ખાનગી કંપનીમાં નોકરી કરતો હતો.