અમરેલી / ખાંભાની ચકચારી ઘટના, નદી પાસેના ભૂગર્ભ ટાંકામાંથી મળી બે કોહવાયેલી લાશ, રહસ્ય ઘૂંટાયું

• ખાંભામાં ભૂગર્ભ ગટરના ટાંકા માંથી મળ્યા બે મૃતદેહો
• સ્ત્રી-પુરુષની ભૂગર્ભના ગટરના ટાંકા માંથી મળ્યા મૃતદેહો
• ખાંભા મામલતદાર અને ખાંભા પોલીસ તપાસ હાથ ધરી

અમરેલીના ખાંભાની ધાતરવડી નદી પાસે ભૂગર્ભ ગટરના ટાંકામાંથી બે મૃતદેહો મળ્યા છે. પાપ્ત માહિતી અનુસાર સ્ત્રી -પુરુષની ભૂગર્ભના ગટરના ટાંકામાંથી કોહવાયેલી લાશ મળી છે. જે સમગ્ર ઘટનાને લઈ ખાંભા મામલતદાર અને ખાંભા પોલીસ તપાસ હાથ ધરી છે.

ભૂગર્ભ ગટરના ટાંકામાંથી મળ્યા બે મૃતદેહો
ખાંભાની ધાતરવડી નદી પાસે ભૂગર્ભ ગટરના ટાંકામાંથી બે મૃતદેહો મળ્યાં છે. જે બંન્ને મૃતદેહો સ્ત્રી અને પુરૂષની હોવાની જાણવા મળ્યું છે. જે સમગ્ર ઘટનાને લઈ સમગ્ર પંથકમાં ચકચાર મચી જવા પામી છે. જે ઘટનાને પગલે લોકોના ટોળે ટોળા ઘટનાસ્થળે ઉમટી પડ્યાં હતાં.

પોલીસ હાથ ધરી તપાસ 
ગટરના ટાંકામાંથી મળેલા બંન્ને મૃતદેહોને લઈ ઘટનાસ્થળે ખાંભા મામલતદાર અને પોલીસ દોડી આવી હતી. જે ઘટનાને લઈ હત્યા થઈ કે આત્મહત્યા કરી જેને લઈ અનેક અટકળો શરૂ થઈ છે પરંતુ જેને લઈ પોલીસે વધુ તપાસ હાથ ધરી છે.