સોશિયલ મીડિયા / ટ્વિટર ખરીદીમાં ફસાયો પેચ, એલન મસ્કે પરાગ અગ્રવાલ સામે મૂકી શરત, કહ્યું, પૂરી નહીં થાય ત્યાં સુધી સોદો નહી

• ટ્વિટરનો સોદો ફરી વાર વિલંબમાં પડ્યો
• એલન મસ્કે સીઈઓ પરાગ અગ્રવાલે સામે મૂકી નવી શરત
• કહ્યું 5 ટકા એકાઉન્ટ ફેક કે સ્પામ છે તેવું ટ્વિટર સાબિત કરે

એલન મસ્ક દ્વારા ટ્વિટર ખરીદવાનો સોદો વિલંબમાં પડ્યો છે. ટેસ્લાના સીઈઓ અને વર્લ્ડ નંબર વન અમીર એલન મસ્કે એવું જણાવ્યું છે કે જ્યાં સુધી કંપની એવું સાબિત ન કરે કે 5 ટકા એકાઉન્ટ ફેક અથવા સ્પામ છે ત્યાં સુધી ટ્વિટર ખરીદવાનો સોદો પાર નહીં પડે. 

Musk says deal to buy Twitter can't go forward unless company can show that less than 5% of accounts are fake or spam, reports AP

— Press Trust of India (@PTI_News) May 17, 2022

પરાગ અગ્રવાલ જ્યાં સુધી સ્પામના પુરાવા નહીં આપે ત્યાં સુધી ટ્વિટર ખરીદીનો સોદો નહીં- મસ્ક 

એલન મસ્કે કહ્યું કે સીઈઓ પરાગ અગ્રવાલે સ્પામ એકાઉન્ટ ડેટાના પુરાવા આપવા જોઈએ. મસ્કે લખ્યું કે 20 ટકા ફેક, સ્પામ એકાઉન્ટ, પરંતુ ટ્વિટર તો 4 ગણાનો દાવો કરે છે. મારી ઓફર ટ્વિટરની એસઈસી ફાઈલિંગ પર આધારિત હતી. તેમણે કહ્યું કે ટ્વિટરના સીઈઓએ જાહેરમાં 5 ટકાની સાબિત આપવાનો ઈ્ન્કાર કર્યો છે. તેઓ જ્યાં સુધી સાબિતી નહીં આપે ત્યાં સુધી ટ્વિટર ખરીદીનો સોદો પાર નહીં પડે. 

એલન મસ્કે ટ્વિટર ખરીદવા 44 અબજ ડોલરની ઓફર મૂકી હતી

ટ્વિટર પર ચાલી રહેલું દંગલ ઓછું થવાનું નામ નથી લઈ રહ્યું. પહેલા તો એલન મસ્કે અચાનક જ ટ્વિટર ખરીદવા માટે 44 અબજ ડોલરની ઓફર મૂકી હતી. આ કારણે કંપનીના શેરમાં 8 ટકાથી વધુનો ઘટાડો નોંધાયો હતો. હવે તેઓએ કંપનીને વધુ એક ફટકો આપ્યો છે. આ સમગ્ર ગડબડીનું મૂળ ટ્વિટરના એસઇસી ફાઇલિંગમાં આપવામાં આવેલી માહિતી છે. મસ્કે ટ્વિટરના સીઈઓના દાવા પર આ સોદાને રોકી રાખ્યો છે.

એલન મસ્ક શું ઈચ્છી રહ્યાં છે
મંગળવારે એલોન મસ્કે ટેસ્લારાટીના એક ટ્વીટનો જવાબ આપતા આ ડીલ વિશે નવી જાણકારી આપી હતી. "મારી ઓફર ટ્વિટરની સેક ફાઇલિંગ ચોકસાઈ પર આધારિત હતી. ગઈ કાલે ટ્વિટરના સીઈઓએ જાહેરમાં 5 ટકાથી ઓછા બોટ હોવાના પુરાવા આપવાનો ઇનકાર કર્યો હતો. હવે જ્યાં સુધી તે પૂરો નહીં થાય ત્યાં સુધી સોદો નહીં થાય."

ગયા અઠવાડિયે સોદો અટવાયો 
તમને જણાવી દઈએ કે એલોન મસ્કે ગયા મહિને ટ્વિટરને 44 અબજ ડોલરમાં ખરીદવાની ડીલ કરી હતી. જો કે, ગયા અઠવાડિયે, પ્લેટફોર્મ પર બોટ્સ અથવા સ્પામ એકાઉન્ટ્સની સંખ્યાની વિગતો ન મળતાં તેઓએ આ સોદો અટકાવી દીધો હતો. ટ્વિટરે આ મહિનાની શરૂઆતમાં એસઈસી ફાઇલિંગમાં કહ્યું હતું કે, ફક્ત 5 ટકા પ્લેટફોર્મ પર બોટ્સ અથવા સ્પામ એકાઉન્ટ્સ છે.

બોટ્સ પર ચાલી રહી છે બબાલ 
મસ્કે ટ્વિટર પર બોટની સંખ્યા પર સવાલ ઉઠાવ્યા હતા, જેના બચાવમાં ટ્વિટરના સીઇઓ પરાગ અગ્રવાલે શ્રેણીબદ્ધ ટ્વીટ કર્યા હતા. હવે લાગે છે કે તેમના ટ્વીટના સમાચારથી ટ્વિટરની ડીલ બરબાદ થઈ ગઈ છે. જો એલન મસ્ક આ ડીલમાંથી ખસી જાય છે, તો તેણે ટ્વિટરને સારી એવી રકમ ચૂકવવી પડશે. કરાર અનુસાર, જો બંને પક્ષોમાંથી કોઈ એક ટ્વિટર ડીલથી પીછેહઠ કરશે, તો તેમને દંડ ભરવો પડશે. સાથે જ ટ્વિટરના સીઈઓએ હાલમાં જ એક ટ્વિટમાં કહ્યું હતું કે, તેઓ કોઈ પણ સંજોગોમાં ડીલ પૂરી કરવા માંગે છે.