- ધ કાશ્મીર ફાઈલ્સને લઇને બોલીવુડમાં પ્રતિક્રિયાનો દોર યથાવત
- ફિલ્મના આંકડા કહી બતાવે છે કે ફિલ્મ ખરાબ તો નથી
- તમારી પાસે તમારા વિચાર રાખવાનો અધિકાર છે
તાપસી પન્નુએ ધ કાશ્મીર ફાઈલ્સ પર આપી પ્રતિક્રિયા
ફિલ્મને લઇને બોલીવુડ બે ભાગમાં વહેંચાયેલુ છે. એક જે ફિલ્મને પસંદ કરી રહ્યાં છે અને બીજુ જે ફિલ્મની સફળતા પર સવાલ ઉભા કરી રહ્યાં છે. હવે બોલીવુડની લેડી ખેલાડીના નામથી પ્રખ્યાત તાપસી પન્નુએ તેના પર પ્રતિક્રિયા આપી છે. ફિલ્મની સક્સેસ પર તાપસી પન્નુએ પ્રતિક્રિયા આપી છે. 1990માં કાશ્મીરી પંડિતોના નરસંહારની કહાની વર્ણવતી ધ કાશ્મીર ફાઈલ્સની સક્સેસને લઇને તાપસી પન્નુએ કહ્યું મેં આંકડા જોયા છે. કારણ ગમે તે હોય આ જેવી રીતે થયુ પરંતુ વાસ્તવિકતા એ છે કે આ કેવીરીતે થયુ. આ એક નાની ફિલ્મ આ પ્રકારના આંકડા રજૂ કરે છે જેની પરથી કહી શકાય કે ફિલ્મ ખરાબ તો નથી જ. તમારા લોકોના વિચારો પર સવાલ ઉભા કરે છે. એનો અર્થ કે બાકીની વસ્તુઓ પર પણ સવાલ થાય છે. આ બધુ વિષયને અનુલક્ષીને છે. તમારી પાસે તમારા વિચાર રાખવાનો અધિકાર છે. તમે તેનાથી સહમત થઇ શકો છો અથવા અસહમત.
તમારી સફળતા અને નિષ્ફળતા બીજાના હાથમાં છે: તાપસી
તાપસી પન્નુ વધુમાં કહે છે, ઘણી વખત ચીજ વસ્તુઓ તમારા ટેલેન્ટથી આગળ જતી રહે છે. આ પ્રકારની સ્થિતિમાં હોવુ ખૂબ કપરુ છે. જ્યાં તમને દરેક ઘરના ડાયનિંગ ટેબલ પર ચર્ચા કરવામાં આવે છે. દરેકની પરીક્ષામાં યોગ્ય ઉતરવુ જોઈએ. આ બધુ નક્કી કરે છે કે તમારી કારકિર્દી કેટલી લાંબી ચાલવાની છે. આ માનસિક રીતે થકાવનારી છે. કારણકે તમારી સફળતા અને નિષ્ફળતા બીજાના હાથમાં છે.
