ટીવી મીડિયાની જાણીતી અભિનેત્રી રતન રાજપૂતે હાલમાં તેના જીવન સાથેની માહિતી આપી છે, જેને જાણીને પ્રશંસકો હેરાન થયા છે.
રતન રાજપૂતે જીવનમાં બનેલી ઘટના જણાવી
‘હું મારી માં સાથે ફોનમાં વાતચીત કરતી હતી’
‘અને અચાનક બે શખ્સોએ મને હેરાન-પરેશાન કરી’
રતન રાજપૂતે પોતાની વેદના જણાવી
ટીવી જગતના જાણીતા શો અગલે જનમ મોહે બિટિયા હી કીજોમાં મહત્વપૂર્ણ પાત્ર નિભાવનારી રતન રાજપૂત ટીવીની એવી અદાકારાઓમાંથી એક છે, જે વારંવાર ચર્ચામાં રહે છે. રતન રાજપૂત તેના સોશિયલ મીડિયા એકાઉન્ટ દ્વારા લોકો સાથે પોતાનુ કનેક્શન બનાવ્યું છે અને આ કનેક્શનના માધ્યમથી તેમણે પોતાના પ્રશંસકોને એવી વાત જણાવી છે કે કોઈના પણ રૂંવાડા ઉભા થઇ જાય.
પહેલા શખ્સે રતન પાસેથી ફોન ઝૂંટવી લીધો
રતન રાજપૂત તેની પર્સનલ લાઈફના કારણે ચર્ચામાં આવી જાય છે. એક વખત ફરીથી રતન રાજપૂતે પોતાની યાદો પ્રશંસકોની સામે ખોલી છે. અભિનેત્રીએ પોતાના જીવન સાથેની એક દર્દનાક કહાની સાંભળી છે, જેને યાદ કરીને આજે પણ તે ડરી જાય છે. રતન રાજપૂતે જણાવ્યું, એક દિવસ હું મંડી હાઉસમાંથી પાછી ઘરે જતી હતી. રસ્તામાં હું પોતાની માં સાથે ફોન પર વાત કરી રહી હતી. આ દરમ્યાન મને અનુભવ થયો કે કોઈ મારો ફોન લેવાનો પ્રયાસ કરી રહ્યો છે. પહેલા તો મને સમજમાં ના આવ્યું કે મારે શું કરવુ જોઈએ. આ દરમ્યાન એક શખ્સ મારો ફોન લઇને ભાગી ગયો. ફોન લેવા માટે હું પણ આ શખ્સ પાછળ દોડવા લાગી.
બીજો શખ્સ જંગલ તરફ ખેંચી ગયો
રતન રાજપૂતે વધુમાં કહ્યું, હું જોર-જોરથી બૂમો પાડી રહી હતી. પરંતુ કોઈ પણ મારી મદદ માટે આગળ આવ્યું નહીં. અચાનક મને અનુભવ થયો કે હું આ શખ્સની પાછળ-પાછળ ભાગતા જંગલમાં આવી ગઇ છુ. આ દરમ્યાન મને બીજો એક શખ્સ દેખાયો. મેં આ શખ્સ પાસેથી મદદ માંગી. તો મદદ કરવાના બદલે આ શખ્સ મને જંગલ તરફ ખેંચી ગયો. પછી હું સમજી ગઇ કે બંને શખ્સ એકબીજા સાથે મળેલા છે.
બે યુવકોએ મને બચાવી
રતન રાજપૂતે જણાવ્યું, મેં આ શખ્સોના ચક્રવ્યૂહમાંથી બહાર આવવાનો પ્રયાસ કર્યો. એ શખ્સ વારંવાર કહી રહ્યો હતો કે આવ તને ફોન આપુ છુ. આ દરમ્યાન ત્યાં NIFTના 2 યુવક આવ્યાં. આ બંને યુવક બાઈક પર હતા. આ બંને યુવકોએ મારી મદદ કરી. એક યુવકે આ શખ્સો પર હુમલો કર્યો અને બીજા યુવકે મને બચાવી.