રેસિપી / શિયાળાની સાંજે માણો આ ખાસ ગરમાગરમ દિલ્હીનો ચટાકો ઘરે જ, નોંઘી લો સરળ રેસિપી

• શિયાળામાં માણો ગરમા ગરમ વાનગીનો સ્વાદ
• દિલ્હીના આ ચટાકેદાર ડિશ બનાવો ઘરે
• આજે જ પ્લાન કરી લો છોલે ભટુરેની ડિશ

છોલે ભટૂરે

સામગ્રી

-બસો ગ્રામ કાબુલી ચણા
-ચાર નંગ મધ્યમ સાઈઝની ડુંગળી
-ત્રણ નંગ મધ્યમ સાઈઝના ટમેટા
-બે નંગ લીલા મરચા
-દસ કળી લસણ
-એક ઈંચ આદુનો ટૂકડો    
-બે ટીસ્પૂન કોથમીર સમારેલી  
-એક ટીસ્પૂન લાલ મરચુ
-અડધી ટીસ્પૂન હળદર પાઉડર
-એક ટીસ્પૂન ધાણાજીરુ પાઉડર
-એક ટીસ્પૂન ગરમ મસાલો
-એક ટીસ્પૂન આમચૂર પાઉડર
-બે ટીસ્પૂન તેલ
-એક ટીસ્પૂન ઘી
-ચપટી હીંગ
-મીઠું સ્વાદ પ્રમાણે

રીત

ચણાને સાત કલાક પાણીમાં પલાળી રાખો. ત્યારબાદ તેને પ્રેશરકૂકરમાં એક ગ્લાસ પાણી સાથે ચપટી મીઠું નાંખી બાફી લો. ત્યારબાદ એક પૅનમાં તેલ તથા ઘી નાખી ગરમ કરો. તેમાં ચપટી હિંગ ઉમેરો અને ડુંગળીની પેસ્ટ નાખી પાંચ મિનિટ સાંતળો. ત્યારબાદ તેમાં આદુ, મરચા, લસણની પેસ્ટ નાંખી બે મિનિટ સાંતળી ટમેટો પ્યુરે ઉમેરો. ફરી પાંચ મિનિટ સાંતળો. તેલ છૂટું પડે એટલે ગરમ મસાલો, આમચૂર પાઉડર, લાલ મરચુ, હળદર, ધાણાજીરુ પાઉડર વારાફરતી ઉમેરો. થોડીવાર હલાવી બાફેલા ચણા (જો ગ્રેવી કરવી હોય તો સાથે બે ટીસ્પૂન પાણી નાંખો) ઉમેરો. હલાવી પાંચ મિનિટ પછી ગેસ પરથી ઉતારી લો. ઉપરથી સમારેલી કોથમીર નાંખી ઢાંકી દો. આ પંજાબી ચણા ભટુરે સાથે ખાવાની મજા પડે છે.