મહામારી / ચીનની વુહાન લેબમાંથી પેદા થયો હતો કોરોના વાયરસ, આ પૂર્વ રાષ્ટ્રપતિના નિવેદનથી હડકંપ મચ્યો

• કોરોનાની ઉત્પત્તિ અંગે ડોનાલ્ડ ટ્રમ્પનો ફરી એક વાર ચીન પર હુમલો
• ટ્રમ્પે કહ્યું કોરોના વાયરસ વુહાનની લેબમાંથી પેદા થયો
• અમેરિકાના પૂર્વ પ્રમુખ અગાઉ પણ કહી ચૂક્યા છે આ વાત 

કોરોના ચીનના વુહાનની લેબોરટરીમાંથી પેદા થયો હોવાની થીયરીને બળ મળી રહ્યું છે. દુનિયાના તમામ ટોચના મહામારી નિષ્ણાંતોથી માંડીને પૂર્વ રાષ્ટ્રપતિઓ પણ હવે માનવા લાગ્યાં છે કે કોરોના વુહાનની લેબમાં પેદા થયો છે અને ત્યાંથી દુનિયામાં ફેલાયો છે. 

અમેરિકી ગુપ્તચર રિપોર્ટમાં પણ આ આશંકાનો  ઈન્કાર કરાયો નથી-ટ્રમ્પ 

કોરોનાની ઉત્પત્તિ અંગે ચીન પર પ્રહાર કરતા ટ્રમ્પે જણાવ્યું કે અમેરિકી ગુપ્તચર રિપોર્ટમાં પણ આ આશંકાનો  ઈન્કાર કરાયો નથી. આ રિપોર્ટમાં કહેવાયું હતું કે ચીન તરફથી કોવિડ-19 મહામારી અંગે ખુલાસો કરવામાં આવ્યાં બાદ કેટલાક અઠવાડિયા પહેલા નવેમ્ર 2019 માં વુહાન જીવવિજ્ઞાન પ્રયોગશાળામાં ત્રણ શોધકર્તાઓએ સારવાર માટે હોસ્પિટલમાં ભરતી કરાવવાનું જણાવ્યું હતું.

ટ્રમ્પે ફોકસ નેશનલ કાર્યક્રમમાં એન્કરને જણાવ્યું કે હવે તમે કોરોના વાયરસ લેબમાંથી નીકળવાના સિદ્ધાંતને સંભાવના શબ્દનું નામ આપી શકો છો. તેમણે કહ્યું કે હવે આ અંગે ઘણી ઓછી શંકા રહી છે. ઉલ્લેખનીય છે કે આ પહેલા જ્યારે ટ્રમ્પ પ્રમુખ હતા ત્યારે પણ તેમને કોરોના વુહાનની લેબમાં ફેલાયો હોવાનો શક વ્યક્ત કર્યો છે. 

તાજેતરના એક ઈન્ટરવ્યુમાં એન્થની ફાઉચીએ જ્યારે પૂછાયું કે શું તમને ખાતરી છે કે કોરોના વાયરસ કુદરતી રીતે પેદા થયો છે ત્યારે તેમણે જવાબ આપ્યો કે મને આ વાતનો વિશ્વાસ નથી. મને લાગે છે કે આ બાબતની તપાસ થવી જોઈએ કે ચીનમાં એવું તે શું થયું કે જેનાથી કોરોના વાયરસ આવ્યો. 

કોરોના કોઈ પ્રાણીમાંથી માણસમાં ફેલાયો 

ડોક્ટર એન્થની ફાઉચીએ જણાવ્યું કે અત્યાર સુધી જેમણે તપાસ કરી છે તેમના જણાવ્યાનુસાર કોરોના કોઈ પ્રાણીમાંથી ફેલાયો છે અને પછી માણસોમાં ફેલાયો છે. પરંતુ આ બીજું કંઈ પણ હોઈ શકે છે. આપણે આ વાતની તપાસ કરાવવાની જરુર છે જેથી કરીને આપણે વાયરસનું મૂળ પકડી શકીએ. એક અમેરિકન ગુપ્ત રિપોર્ટમાં દાવો કરવામાં આવ્યો છે કે દુનિયામાં કોરોનાની મહામારી ફેલવાના લગભગ એક મહિના પહેવા વુહાન લેબના 3 શોધકર્તા બિમાર પડ્યા હતા. અમેરિકન અખબાર વોલ સ્ટ્રીટ જર્નલના સમાચાર મુજબ વુહાન ઈન્સ્ટિટ્યૂટ ઓફ વાયરોલોજીના 3 શોધકર્તા નવેમ્બર 2019માં બીમાર પડ્યા હતા અને તેમને હોસ્પિટલની મદદ માંગી હતી.

આ ખાનગી રિપોર્ટમાં વુહાન લેબના બિમાર શોધકર્તાઓની સંખ્યા, તેમના બીમાર પડવાના સમય અને હોસ્પિટલ જવા સાથે જોડાયેલી વિસ્તૃત જાણકારી આપવામાં આવી છે. આશા વ્યક્ત કરાઈ રહી છે કે ખાનગી રિપોર્ટની માહિતી તે દાવાની તપાસ કરવા માટે ભાર મુકશે જેમાં વુહાન લેબથી કોરોના વાયરસ ફેલાયાની આશંકા વ્યક્ત કરાઈ રહી છે.  આ રિપોર્ટ વિશ્વ સ્વાસ્થ્ય સંગઠનની તે બેઠકના એક દિવસ પહેલા આવ્યો જેમાં ડબ્લ્યૂએચઓના કોરોના વાયરસના ઉદ્ગમ અંગે આગળના તબક્કાની તપાસ પર ચર્ચાનો અંદાજો છે.

તપાસને લઈને ગંભીર છે બાયડન પ્રશાસન

અમેરિકન સિક્યોરિટી કાઉન્સિલના પ્રવક્તાએ વોલ સ્ટ્રીટ જર્નલના આ સમાચાર પર કોઈ ટિપ્પણી નથી કરી પરંતુ તેમણે કહ્યુ કે બાયડન પ્રશાસન કોરોના વાયરસના ઉદ્ગમની તપાસને લઈને ગંભીર છે. આની પહેલા વિશ્વ સ્વાસ્થ્ય સંગઠનની એક ટીમ મહામારી સાથે જોડાયેવલા તથ્યોને શોધવા વુહાન ગઈ હતી.  જો કે બાદમાં ડબ્લ્યૂએચઓએ કહ્યુ હતુ કે આ સાબિત કરવા માટે પૂરતા તથ્યો નથી કે કોરોના વુહાનની લેબમાંથી દુનિયામાં ફેલાયો.