IPLIN
 

મોટા સમાચાર / Breaking News : તાલિબાન સામે ગનીએ મૂકી દીધા હથિયાર, ગમે તે ક્ષણે અહમદ જલાનીને સોંપી દેશે સત્તા

Team VTV 03:28 PM, 15 Aug 21 | Updated: 05:55 PM, 15 Aug 21
Follow us
transfer of power in afghanistan, taliban to rule and ghani to resign

તાલિબાન ધીમે ધીમે કરીને અફઘાનિસ્તાનનાં જુદા જુદા શહેરો પર કબજો કરી રહ્યું છે ત્યારે આ કડીમાં આજે અફઘાનિસ્તાનનો છેલ્લો કિલ્લો એટલે કે કબૂલ પણ તાલિબાને કબજે કરી લીધું છે.

  • અફઘાનિસ્તાનમાં તાલિબાનને સત્તા સોંપાશે
  • USના રેસ્ક્યૂ ઓપરેશન બાદ સત્તાનું થઇ શકે છે હસ્તાંતરણ
  • કાબુલમાં તાલિબાનો અને સેના આમને સામને નહી આવે: મિર્ઝાકવાલ

આતંકનાં ઓછાયામાં અફઘાનિસ્તાન
છેલ્લા ઘણા સમયથી તાલિબાન ધીમે ધીમે કરીને અફઘાનિસ્તાનનાં જુદા જુદા શહેરો પર કબજો કરી રહ્યું છે ત્યારે આ કડીમાં આજે અફઘાનિસ્તાનનો છેલ્લો કિલ્લો એટલે કે કબૂલ પણ તાલિબાને કબજે કરી લીધું છે. લાંબા સંઘર્ષ અને લોહિયાળ જંગ બાદ સરકાર તાલિબાન સામે ઝૂકી ગઈ છે. 

અસ્થાયી પ્રશાસનના માધ્યમથી સત્તા સોંપાશે: મિર્ઝાકવાલ
અફઘાનિસ્તાન સરકાર દ્વારા નિર્ણય લેવાયો છે કે સરકાર ચૂપચાપ તાલિબાનને સત્તા સોંપી દેશે અને કોઈ જ યુદ્ધ કરવામાં આવશે નહીં. અફઘાનિસ્તાનમાં અત્યારે અમેરિકાનું રેસ્ક્યૂ મિશન ચાલી રહ્યું છે એવામાં આ મિશન પતે એટલે તરત જ સત્તા તાલિબાનને સોંપી દેવામાં આવશે. અફઘાનિસ્તાનનાં  કાર્યવાહક આંતરિક મંત્રી મિર્ઝાકવાલે કહ્યું છે કે કાબુલમાં તાલિબાનો અને સેના આમને સામને નહી આવે તથા અસ્થાયી પ્રશાસનના માધ્યમથી સત્તા સોંપાશે. 

બળજબરીથી કાબુલમાં પ્રવેશ નહીં કરીએ-તાલિબાન
બીજી તરફ તાલિબાન તરફથી પણ જાહેર નિવેદન આપી દેવામાં આવ્યું છે કે સ્થાનિકોએ અફઘાનિસ્તાન છોડવું નહીં. તાલિબાને વાયદો કર્યો છે કે બળજબરીથી કાબુલમાં પ્રવેશ નહીં કરીએ તથા દુતાવાસોને કોઈ જ ખતરો નથી. 

કાબુલ રૂપી છેલ્લો કિલ્લો પણ ધ્વસ્ત 
એક તરફ જ્યાં ભારત પોતાની આઝાદીનાં પર્વની ઉજવણી કરી રહ્યું છે ત્યાં બીજી તરફ અફઘાનિસ્તાનમાં તાલિબાન શાસન ફરીથી લાગુ થવા જઈ રહ્યું છે. તાલિબાન દેશની રાજધાની કાબુલમાં આવી ચડ્યું છે મીડિયા અહેવાલ ત્યાં ખૂનનો ખેલ રમાઈ રહ્યો છે. કાબુલમાં તાલિબાન તરફથી આદેશ આપી દેવામાં આવ્યા છે કે જે સામાન્ય નાગરિકો છે તે ઘરમાં જ રહે. 

તાલિબાનીઓ કહી રહ્યા છે કે હવે સત્તા હસ્તાંતરણ કરી દેવામાં આવે. સૂત્રો અનુસાર માનવામાં આવી રહ્યું છે કે બસ હવે થોડા કલાકોમાં જ અફઘાનિસ્તાનમાં સત્તા પલટો થઈ જશે. એવામાં આખા વિશ્વની નજર હવે કાબુલ પર છે. 

તાલિબાનનું શાસન શરૂ 
કાબુલને તાલિબાને ચારે તરફથી ઘેરી લીધું છે. તાલિબાને કહ્યું કે અમારે બળપૂર્વક કબજો કરવો ન હતો પરંતુ એવું કરવું પડી રહ્યું છે. 

IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ