અમદાવાદ શહેરમાં દિવસેને દિવસે વધતી જતી ટ્રાફિકની સમસ્યાને લઇને ટ્રાફિક પોલીસ દ્વારા યુદ્ધના ધોરણે કાર્યવાહી હાથ ધરી છે. ત્યારે 29 નવેમ્બરે રૂટિન ચેકિંગ દરમિયાન ટ્રાફિક પોલીસ દ્વારા 2.18 કરોડની પોર્શે(911) કાર ડિટેઈન કરી હતી. આ કારમાં નંબર પ્લેટ અને વેલિડ ડોક્યુમેન્ટ્સ ન હોવાથી કાર ડિટેઈન કરી હતી.
અમદાવાદીની કારને દેશનો સૌથી મોટો દંડ
પોર્શે કારના માલિકને 27 લાખનો દંડ
અમદાવાદ પોલીસે ટ્વીટ કરીને આપી માહિતી
ત્યાર બાદ આજરોજ RTOએ કાર માલિક રણજીત દેસાઈ પાસેથી રોડ ટેક્સ પેટેના રૂ.16 લાખ જ્યારે દંડની રકમના વ્યાજ પેટે રૂ. 7 લાખ 68 હજાર અને રૂ.4 લાખ પેનલ્ટી મળીને કુલ રૂપિયા 27 લાખ 68 હજારનો દંડ ફટકાર્યો છે.
દેશનો સૌથી મોટો દંડ
શહેર પોલીસ દ્વારા કરવામાં આવેલ દાવા અનુસાર, દેશનો સૌથી મોટો દંડ વસૂલવામાં આવ્યો છે. જો કે, આ અંગે શહેર પોલીસ દ્વારા ટ્વીટ કરીને માહિતી આપવામાં આવી હતી.
RTO @cotguj slaps a fine of total INR 27.68 Lakh on Porsche Car which was detained during a routine check by Ahmedabad Traffic West Police for not having required documents. One of the highest fine amount levied in the country ever. #GujaratRTO#AhmedabadPolicepic.twitter.com/xPY14vdUmW
આપને જણાવી દઇએ કે, થોડા સમયગાળા પહેલા જ પોલીસે ડ્રાઇવમાં લક્ઝુરિયસ કાર પોર્શ 911 મોડલની કારની કિંમત 2.18 કરોડ 27 નવેમ્બરે જરૂરી કાગળ અને નંબર પ્લેટ ન હોવાથી કાર ડિટેઈન કરાઈ હતી અને 9.80 લાખનો દંડ ફટકાર્યો હતો. પોલીસે જણાવ્યું હતું કે, કારના કાગળ વેલીડ નથી. તેમજ કારની આગળ પાછળ નંબર પ્લેટ નથી. આ કલમ લગાવીને દંડ વસૂલ કર્યો હતો.