વાયરલ / 175 પ્રવાસીઓ સાથે આકાશમાં હતું વિમાન, બરાબરે ત્યારે ત્રાટકી ભયાનક વીજળી, પછી જોવા જેવો ઘાટ થયો

• આકાશમાં ખૂબ ઊંચે વિમાન પર ત્રાટકી વીજળી
• વીજળી ત્રાટકતા જોવા જેવો ઘાટ થયો
• વિમાન હાલકડોલક થયું છેક નીચે ઉતરી આવ્યું
• પ્રવાસીઓના જીવ પડીકે બંધાયા, ઈમરજન્સી લેન્ડીંગ કરાવવું પડ્યું 

અઝૂર એરલાઈન્સના બોઈંગ 737 175 પ્રવાસીઓને લઈને તેના ગંતવ્ય સ્થાન પર તરફ રવાના થયું હતું અને વધારે ઊંચાઈએ જ્યારે ઊડી રહ્યું હતું ત્યારે તેના પર વીજળી ત્રાટકી હતી. ભયાનક વીજળી ત્રાટકતા વિમાન હવામાં ફંગોળાવા લાગ્યું હતું અને પ્રવાસીઓના જીવ તો પડીકે બંધાઈ ગયા હતા. લોકોએ બારીમાંથી વિમાન પર વીજળી પડતા જોઈ અને તે વખતે તેમના મોતિયા મરી ગયા. 

વિમાન જ્યારે આકાશમાં હતું ત્યારે તેના પર કડાકા સાથે વીજળી ત્રાટકી

અઝૂર એરલાઈન્સના બોઈંગ 737 માં આ ઘટના બની હતી. વિમાન જ્યારે આકાશમાં હતું ત્યારે તેના પર કડાકા સાથે વીજળી ત્રાટકી હતી અને ત્યાર બાદ વિમાન નીચે આવવા લાગ્યાં હતું તથા દિક્ષીણી પશ્ચિમ રશિયામાં સોચીના બ્લેક સી નજીક પહોંચી ગયું હતું. 

વીજળી ત્રાટકતા પહેલા વિમાન તોફાનને કારણે છેક નીચે સુધી આવી ગયું

વીજળી ત્રાટકતા પહેલા વિમાન તોફાનને કારણે છેક નીચે સુધી આવી ગયું હતું અને ત્યાર બાદ એક પ્રવાસીએ આ ઘટનાને મોબાઈલ વડે રેકોર્ડ કરી લીધી હતી.વિમાન એકાતેરિનબર્ગથી રવાના થયું હતુ જોકે વીજળી ત્રાટકતા તેનું ઈમરજન્સી લેન્ડિંગ કરાવવું પડ્યું હતું. તમામ મુસાફરોનો આબાદ બચાવ થયો હતો.